Севимли пойабзални имкон қадар кўпроқ кийиш ҳамда янгидек кўриниши учун қуйидаги тавсияларга амал қилинг.
Оёқ кийимларни кийишдан олдин уларга махсус ҳимоя воситасидан сепиш керак. Улар пойабзални намликдан, қишда эса пойабзал юзасида турли доғлар пайдо бўлишидан ҳимоя қилади. Шунингдек, муз, қор, лой ва сув таъсиридан узоқ муддат асрайди. Ҳозир бундай маҳсулотларни ҳар қандай супермаркетда сотиб олиш мумкин.
Агар пойабзал юзаси нам бўлса, тезда чизиқ ва доғлар пайдо бўлади. Шунинг учун дарҳол уларни артиб ташлашга ҳаракат қилиш лозим. Ўзи қуришини кутиш керак эмас.
Этикларнинг устки қисмлари эзилмаслиги учун уларнинг ичига қоғоз ёки пўкак жойлаштириш тавсия этилади.
Ичи нам бўлса, газеталар намликни тортиб олади.
Кечқурун оёқ кийимларни тенг нисбатда сирка аралаштирилган илиқ сув билан артиб олиш лозим. Бу ҳар қандай қишки оёқ кийим учун амал қилади.
Оёқ кийим юзасидаги доғлардан қутулиш учун сув билан тоза матода артиб олинади. Сўнгра содали сувга ботириб, керакли эффектга эришилмагунча, керакли жойни мулойимлик билан артилади. Кейин пойабзални яна тоза нам мато билан, кейин қуруқ мато билан артилади.
Этикларнинг таг қисми ёрилиб, сув кирадиган бўлиб қолса, тешикни елимлаш учун велосипед камерасини тузатиш воситасидан фойдаланиш мумкин.
Айтганча, оддий WD-40 турли доғларни йўқотишга ва оёқ кийимларни намликдан ҳимоя қилишга ёрдам беради. Уни пойабзалга қўллагандан кейин тоза мато билан артиб олиш зарур.
Изоҳ (0)