Сотиб олишга ҳожат йўқ: уй шароитида тайёрлаш мумкин бўлган 8 хил тозалаш воситаси

Агар уйда тозалаш ёки кир ювиш воситаси тугаб қолса, дўконга шошишнинг кераги йўқ. Чунки уй шароитида ҳам тайёрлаш мумкин бўлган кўп нарса бор. Улар нафақат самарали, балки табиий ҳамдир.

Деразаларни тозалаш воситаси

Таркиби: 2 стакан сув, ¼ стакан сирка, ¼ стакан спиртли ичимликлар, 1 ёки 2 томчи эфир мойи. Бу суюқликка ёқимли ҳид беради.

Қўлланилиши: Воситалар аралаштирилади ва шишасида сақланади. Аввал қоғоз сочиқ ёки юмшоқ матога, кейин деразага сепилади. Иссиқ қуёшли кунда деразаларни ювмаслик тавсия этилади, чунки восита жуда тез қуриб, ойнада доғ қолдириши мумкин.

Ёғларни кетказиш воситаси

Таркиби: ¼ стакан аммиак, етарли миқдорда сув (тахминан 4 литр) ва идиш ювиш учун озгина суюқлик қўшилади.

Қўлланилиши: Идиш ювиш учун шимгич эритма ичига ботирилиб, сирти артилади. Кейин юза тоза сув билан ювиб ташланади.

Умумий тозалаш воситаси

Таркиби: 4 ош қошиқ истеъмол содаси, бир литр илиқ сув.

Қўлланилиши: Шимгич аралашмага ботирилади ва юзалар артилади.

Доғларни кетказувчи восита

Таркиби: 4 литр иссиқ сув, бир стакан кир ювиш воситаси, бир стакан оддий суюқ хлорли оқартиргич.

Қўлланилиши: Воситалар идишда аралаштирилади, тозалаш керак бўлган жой 15-20 дақиқа давомида намлади, кейин одатдагидек ювилади.Стол устидаги доғларни кетказувчи восита

Таркиби: 1:1 нисбатда тиш ювиш пастаси ва истеъмол содаси

Қўлланиши: Мато сув билан намланади, сўнг доғ юзаси тиш пастаси аралашмаси билан артилади. Бошқа қуруқ мато билан сирт артиб, қуритилади.

Идиш ювиш машинасидаги доғларни кетказувчи восита

Таркиби: ¼ стакан лимон кислотаси ёки апельсин шарбати.

Қўлланилиши: Машинанинг ичидаги зангни олиб ташлаш учун маҳсулотни диспенсер бўлимига қуйилади ва нормал режимга қўйилади. Агар керак бўлса, жараён такрорланади.

Металл тозаловчи восита

Таркиби: Сирка ёки лимон шарбати ва туз.

Қўлланилиши: Шимгич сирка ёки лимон шарбати ичига ботирилиб, устига туз сепилади. Юза артилади ва сув билан яхшилаб ювилади. Сўнг дарҳол тоза мато билан артиб олинади.

Мармар тозалаш воситаси

Таркиби: Бир неча томчи идишларни ювиш воситаси ва 2 стакан илиқ сув.

Қўлланилиши: Аралашма билан сирт усти артиб олинади ва қолдиқларини олиб ташлаш учун яхшилаб чайилади. Ҳеч қачон мармар ёки гранит юзаларга сирка, лимон ёки бошқа оксидловчи воситаларни ишлатиб бўлмайди.