Нонушта ёки тамадди учун пиширадиган қуймоғингиз мазали чиқиши учун маҳсулотларнинг қандайлигидан тортиб, жараённинг қандай кечишигача эътиборли бўлиш керак.
Ҳарорат бир хил бўлсин
Қуймоқларнинг кутилганидек чиқмаслигига маҳсулотлар ҳароратининг турлилиги сабаб бўлади. Маҳсулотларнинг иссиқ ва совуғини бир-бири билан асло аралаштира кўрманг. Тухум ва сутни совиткичдан олиб хона ҳароратида илишини кутинг.
Ортиқча аралаштириб юборманг
Маҳсулотларни ҳаддан ортиқ аралаштириб юборманг. Қанча кўп аралаштирилса, ундан шунча кўп глютен ажралади. Бу эса қуймоқнинг чўзилиб пишишига олиб келади.
Маҳсулотларни иккига ажратинг
Қуруқ ва суюқ маҳсулотларни алоҳида аралаштириш кейин эса бир-бирига қўшиш керак. Суюғини кам порциядан қуруғига қўшинг.
Аралашманинг қуюқ-суюқлигига эътибор беринг
Тайёр аралашмадан фойдаланадиган бўлсангиз суюқликни барчасини бирданига тўкиб юборманг. Хамир ҳаддан ортиқ суюқ бўлиб қолса, товада айлантириш осон бўлмайди.
Товани қиздиришни унутманг
Шошилмасдан товани яхшилаб қизишини кутинг. Акс ҳолда хамир сариёғни ўзига кўп сингдириб олиши бу эса ёғли чиқишига олиб келади. Тованинг ҳозирлигини билиш учун унга бир қошиқ аралашма солиб текшириб кўринг.
Унсиз қуймоқ тайёрлаганда нималарга эътибор бериш керак?
Нонсиз қуймоқ тайёрламоқчи бўлсангиз, қолган маҳсулотларнинг етарлича ёпишқоқ бўлишига эътибор беринг. Бу эзилган банан, сули ёрмаси, гречка уни ва ҳатто ёнғоқли паста бўлиши мумкин.
Минерал сув қўшинг
Мазкур ичимлик худди разрихлитель сингари хамирни шишиб, юмшоқ чиқишига ҳисса қўшади.
Тухумни оқини алоҳида аралаштиринг
Қуймоқ шишиб, аммо шу билан бирга юмшоққина бўлиб чиқишини истасангиз, тухум оқини алоҳида кўпиртириб олинг.
Сариёғдан фойдаланманг
Сариёғ бошқа ёғларга нисбатан тез қизиб кетади. Ундан фойдаланадиган бўлсангиз, ошхонада тутун ва қуймоқда қора доғлар пайдо бўлишига тайёр бўлинг.
Устини босманг
Пишиш жараёнида товада турган қуймоқ устини боса кўрманг. Акс ҳолда пачоқ бўлиб пишиши мумкин.
Изоҳ (0)