Кундалик ҳаётимиз, иш ва ўқиш билан боғлиқ вазифаларни енгиллаштиришга ҳисса қўшадиган техникалар узоқ вақт хизмат қилиши учун қандай хатоларга йўл қўймаслик ҳақида маълумотга эга бўлган яхши.
Қизиб кетишига бефарқ бўлиш
Юқори ҳарорат батареяни ишдан чиқиши ва қурилмадаги айрим ички элементларни кенгайишига олиб келиши мумкин. Шу сабаб ҳам яхшиси жазирамада ноутбукни машина ичида қолдирмаган яхши. Агар бошқа иложи бўлмаса, компьютернинг тўлиқ ўчганига ишонч ҳосил қилинг.
Қўлларни яхшилаб ювмаслик
Аксарият ҳолларда компьютер ва ноутбукдан фойдаланганда қўллар тоза бўлиши ҳақида қайғуриш ёдимиздан чиқади. Қўллар етарлича тоза бўлмаса, кир ва ёғлар бир неча йил давомида корпусда йиғилиб, вақти келганда ўзини намоён қилмай қолмайди. Айниқса, сенсор билан ишлаганда улар узоқ вақт хизмат қилиши учун қўллар тоза ва қуруқ бўлишига эътибор қаратиш керак.
Ноутбукни нотўғри ёпиш
Ноутбукни эҳтиёткорлик билан очиб-ёпишнинг ўзи кифоя эмас. Уни усти ва ўртасини ушлаб туриб ёпиш керак.
Юмшоқ жойга қўйиб ишлаш
Тўшак ёки ёстиқ устига қўйиб ишланганда вентиляцияси ёпилиб қолиб, иссиқлик чиқиб кетмаслиги мумкин. Қизиб кетиши эса ички компонентларнинг ишдан чиқишига олиб келади. Агар ётоқда ишлашга мажбур бўлиб қолсангиз, ҳаво ҳаво айланишига ҳеч нима халал бермаётганига ишончингиз комил бўлсин. Махсус таглик қўйинг ёки тиззангизга қўйиб ишланг.
Ғилоф кийдирмаслик
Компьютерларда одам териси сингари тирналиш ёки қирилишлардан кейин тикланиш хусусияти бўлмайди. Шу сабаб ҳам ноутбукларга худди телефон сингари ғилоф кийдириш керак. Унинг сифатлиси техникангизни чанг ва майда зарарлардан ҳимоя қилади.
Қуёш нурларидан ҳимоя қилмаслик
Нафақат телефон, балки компьютерларни ҳам қуёш нурлари остида қолдирмаслик керак. Телефонлар асосан иссиқ ҳароратга таъсирчан бўлган икки хил материал — металл ва шишадан ясалади. Қуёш сенсорли экранни қиздириши, шундан кейин гаджет одатдагидан фарқли ишлаши мумкин.
Нотўғри жойда қувватлаш
Қизиб кетишининг олдини олиш учун телефонни айниқса, иссиқ кунларда ёстиқ устига қўйиб қувватламаслик керак. Мобил қурилма қувватлагичга уланганда одатдагидан кўпроқ иссиқлик ажралади. Ёстиқ устида туриши эса иссиқликни тарқалишига қаршилик қилади. Оқибатда ичидаги сезувчан деталлар ҳаддан ортиқ қизиб, нотўғри ишлаш кузатилиши мумкин.
Қуввати буткул тугагунича ишлатиш
Кўпчилик телефонни кечаси билан қувватлагичга қўйиб қўйишни яхши ғоя эмас деб ўйлайди. Аслида эса ундай эмас. Аккумулятор учун қувватни тўлиқ йўқотилиши оғирлик қилади ва доимий равишда телефон қувватини ҳатто дисплей ёқилишига ҳам етказмай юрилса, батареянинг хизмат қилиш муддат сезиларли даражада камаяди. Шу сабаб ҳам аккумулятор учун телефоннинг кечаси билан қувватланиши буткул қувватсиз қолишидан кўра яхшироқ саналади.
Парвоз режимидан фойдаланмаслик
Ушбу режимдан аксарият ҳолларда самолётда эканлигимизда фойдаланамиз. Аммо ундан мобил алоқа ушламайдиган ва Wi-Fi йўқ жойларда фойдаланиш ҳам мақсадга мувофиқ саналади. Гап шундаки, телефон нима бўлса ҳам алоқа қидиришга энергия сарфлайдиган қилиб тузилган. Шуни инобатга олган ҳолда парвоз режимидан фойдаланиш тавсия қилинади.
Тинимсиз ишлатиш
Ноутбук ишлатилмаётганда ўчириб қўйиш кераклиги ҳеч кимга сир эмас. Аммо ойлар давомида тинимсиз ишлатилгани сабаб телефонлар кўпроқ зўриқади. Шу сабаб ҳам телефонни ҳафта давомида бир неча дақиқага ўчириб туришни унутмаслик керак. Шунда гаджетингиз кўпроқ хизмат қилиши мумкин бўлади.
Изоҳ (0)