Учбурчак, тўртбурчак, думалоқ. Кийим ёрлиғидаги белгилар нимани англатади? (фото)

Севимли либосларни янгидек кўринишини узоқроқ сақлаб қолиш учун улардан тўғри фойдаланиш керак. Бунинг учун кийимда берилган ёрлиққа кўра нимага рухсат берилгани ва нима мумкин эмаслигини ўрганиш лозим.

Идишда сув

Идишдаги сув – ювиш учун рухсат этилган максимал сув ҳарорати. Баъзан рақамлар ўрнига идишнинг ичида нуқта ҳам бўлиши мумкин. Бир нуқта – энг паст, икки нуқта – нормал, учтаси – максимал ювиш ҳароратини англатади. Идиш остидаги бир, икки ёки учта чизиқ матонинг нозиклигини кўрсатади, чизиқлар қанча кўп бўлса, режимнинг энг қуйисида ювиш лозим.

Тўртбурчак

Тўртбурчакнинг ҳаммаси кийимни қандай қуритиш ҳақида. Тўртбурчак ичидаги айлана кийимни автоматик қуритишдан фойдаланиш мумкинлигини билдиради. Шакл остидаги чизиқлар эса матонинг нозиклигидан хабар беради. Вертикал тасма кийимни тик ҳолатда қуритиш кераклигини англатади. ва тўртбурчакнинг юқори қисмидаги ярим доира кийимни фақат дорларда қуритиш мумкин деганидир.

Айлана

Бу пиктограмма кимёвий тозалашни англатади. Устидан чизилган айлана, албатта, буни тақиқлайди. Ичида ҳарф ёзилган доира қайси кимёвий бирикмани ишлатиш кераклиги ҳақидаги саволга жавоб беради. Бу маълумот кимёвий тозалаш ишчилари учун мўлжалланган.

Учбурчак

Ушбу белги оқартириш ҳақида. Учбурчакдаги иккита қия чизиқ матони оқартириш мумкинлигини кўрсатади, лекин хлорсиз. Бундан фарқли ўлароқ, учбурчакдаги Cl ҳарфлари хлорли оқартиргичдан фойдаланишга рухсат беради.

Ўзингиз ёқтирган кийимларга тўғри парвариш қилаётганингизни текшириб кўринг.