Буюк Британиянинг Good Housekeeping институти мутахассислари джинси матоли кийимларни ювишнинг тўғри усули билан бўлишди.
Ҳар доим джинсиларни ички томонига ўгиринг
Бу кўк матода ювилган оқ чизиқлар ва хиралашган бурмалар пайдо бўлишининг олдини олади. Агар сиз шимни кийсангиз, эртами-кечми, албатта, пайдо бўлади. Борди-ю, шкафда сақланса ҳеч нарса юз бермайди. Аммо мато юзасидаги муаммолар анча кейин содир бўлади.
Джинсиларни кондиционер қўшмасдан ювинг
Ажабланиш мумкин. Лекин кондиционер джинси матосини тезроқ эскиришига сабаб бўлади.
Энг секин режим билан ювинг
Нозик матолар учун ҳарорат ва айланиш тезлиги минимал даражада бўлиши лозим. Лекин джинси нозик мато эмас, деб ўйлаш мумкин. Тўғри, одатда джинси иш кийими сифатида кўпроқ кийилади. Аммо ҳамма ҳам олтин қазиш учун джинси шим киймайди, балки уларга замонавий кийим сифатида қарайди. Шунинг учун джинси ҳам нозик матолар қаторидан жой олган.
Айтганча, Леви Страуснинг олтин қазувчилар учун тиккан дастлабки джинсилари жуда қўполлигидан уларни кўриб, джинсилигига ишониш қийин бўлган.
Кир ювиш машинасига жуда кўп нарсаларни қўйманг
Кир ювиш машинаси барабани бошқа кийимлар билан қанчалик кўп тўлдирилса, джинсида шунча кўп бурмалар бўлади.
Автоматик қуритиш режимидан фойдаланманг
Джинси кийимларни енгил бураб сиқишдан сўнг табиий равишда қуритиш лозим. Бу матонинг мустаҳкамлигини сақлайди ва дазмол қилишда кўп вақт олмайди.
Ваҳимага тушманг
Ранг ўзгариши джинсилар учун одатий ҳолдир. Индиго бўёқлари билан бўялган шимларнинг ранги доимо сувга чиқади. Бу нормал, тўғри ва табиийдир. Шунинг учун ҳам у билан бошқа кийимларни, ҳаттоки джинси рангидаги кийимларни ювиб бўлмайди. Акс ҳолда, бошқа кийимларнинг ранги ўзгариши шубҳасиз.
Изоҳ (0)