Фавқулодда вазиятлар вазирлиги 6 октябрь куни кузатиладиган об-ҳаво шароити туфайли Қамчиқ довонида ҳаракатланувчи ҳайдовчиларни хавфсизлик чораларини кўришга чақирди.
Ўзбекистон Гидрометеорология хизмати маркази томонидан берилган маълумотга кўра, 6 октябрь куннинг иккинчи ярмида А-373 Тошкент—Ўш автомобиль йўлининг Қамчиқ довонида ҳаво ўзгариб туради, баъзи жойларда ёғингарчилик (ёмғир, қор) бўлиши кутилмоқда.
Шунингдек вақти-вақти билан туман тушиши мумкин. Шамол шарқдан 7-12 метр/секунд тезликда эсади. Ҳарорат кечаси +1,+4 даража, кундузи +4,+7 даража бўлиши кутилмоқда.
Шу муносабат билан вазирлик ҳайдовчилардан довон йўлида ҳаракатланаётган вақтда барча хавфсизлик чораларини кўришга чақирди.
Бундан аввал ЙҲХББ довон йўлидан ҳаракатланувчи ҳайдовчиларни об-ҳаво, туман шароити ва йўл намлигини инобатга олиб, тезликни меъёридан оширмасдан, оралиқ масофа сақлаган ҳолда, эътиборли ва эҳтиёткор бўлиб ҳаракатланишга чақирганди.
Мавзуга доир: Қамчиқ довонида 4 та машина иштирокида ЙТҲ юз берди
Изоҳ (0)