Футбол бўйича Европа Чемпионлар Лигасининг D гуруҳи вакиллари 28 сентябрь, сешанба куни 2-тур баҳсларини ўтказди.
Мадриднинг «Реал» клуби ўз уйида «Шериф»ни қабул қилди. Учрашувнинг 25-дақиқасида Жасур Яхшибоев мадридликлар дарвозасини ишғол қилди. Яхшибоев иккинчи бўлим дебютида кичик жароҳат олди ва 57-дақиқада захирага олинди. Ўзбекистонликнинг голига майдон эгалари 65-дақиқада Карим Бенземанинг пенальтидан киритган тўпи билан жавоб қайтарди.
Асосий вақт якунланиши арафасида Себастьян Тилл жарима майдони ташқарисидан Куртуа дарвозасини ишғол қилиб, молдаван клубига ғалаба келтирди.
Гуруҳнинг иккинчи ўйинида «Интер» сафарда «Шахтёр» билан нурсиз дуранг қайд этди.
Шу тариқа «Шериф» икки ўйиндаги ғалаба эвазига гуруҳда якка пешқадамга айланиб олди.
Чемпионлар Лигаси онлайн жадваллари, ўйинлар тақвими, тўпурарлар рўйхати — кўриш.
ЕЧЛ
2-тур баҳслари
28 сентябрь, сешанба
«Реал Мадрид» — «Шериф» 1:2
Голлар: 0:1 – 25 Яхшибоев, 1:1 – 65, пенальти Бензема, 1:2 – 89 Тилл.«Реал Мадрид»: Куртуа, Начо (Родриго, 66), Алаба, Милитао, Мигел Гутеррес (Кроос, 66), Каземиро (Модрич, 66), Вальверде, Камавинга, Бензема, Азар (Йович, 66), Винисиус Жуниор.
«Шериф»: Атанасиадис, Фернандо, Арболеда, Дуланто, Кристиано, Коловос (Николов, 90), Тилл, Аддо, Траоре, Кастанеда (Жюльен, 78), Яхшибоев (Бруно, 57).
Огоҳлантиришлар: Арболеда (17), Каземиро (39), Аддо (45), Дуланто (46), Йович (81), Тилл (90).
«Шахтёр» — «Интер» 0:0
«Шахтёр»: Пятов, Додо, Марлон, Матвиенко, Исмаили (Кривсов, 78), Педрино, Соломон (Мудрик, 78), Степаненко, Алан Патрик (Марлос, 85), Майкон, Траоре (Тете, 11).«Интер»: Ҳанданович, Думфрис, де Врей, Шкриньяр, Бастони, Димарко (Перишич, 81), Брозович (Чалхонўғлу, 55), Весино (Гальярдини, 81), Барелла, Жеко (Корреа, 55), Мартинес (Санчес, 72).
Огоҳлантириш: Думфрис (81).
Изоҳ (0)