Ford компаниясининг Британия бўлинмаси 2030 йилда тақдим этилиши мумкин бўлган автомобиль тасвири билан бўлишди. Future Generation номини олган концепт 8-9 ёшли мактаб ўқувчилари билан биргаликда яратилган бўлиб, марка вакилларининг фикрича, улар тўлиқ электрлашган дунёнинг илк ҳайдовчиларига айланади. Ёш респондентларнинг аксарияти бўлажак машиналарда автопилот тизимини бўлишини, шунингдек, улар уча олиши лозимлигини хоҳлаган, деб хабар беради Motor.
Ford вакилларининг сўровида Британия мактабларининг 8-9 ёшли ўқувчилари иштирок этган. Компания мутахассисларининг фикрича, айнан шу ёшдаги болалар тўлиқ электрлаштирилган дунёнинг илк ҳайдовчиларига айланади. Ёш респондентларнинг 79 фоизи 2030 йилга бориб идеал автомобиль электр энергиясида ҳаракатланиши кераклигини билдирган. Аммо классик ички ёнув двигателини ёқлаб чиққан болалар ҳам бор. Бензинли агрегат учун сўров иштирокчиларининг 17 фоизи, дизеллига эса 10 фоизи овоз берган.
Респондентларнинг аксарияти келажакдаги электрокарлар ҳавода уча олиши керак, деган фикрни билдирган. Ўқувчилар бошқа опциялар қаторида автомобилда автопилот тизими, шунингдек, қулай ўриндиқ ва кучли акустика бўлишини ҳам хоҳлаган. Энг оммабоп кузов ранги дея қора-қизил гамма танланган бўлиб, келажак автомобилининг ташқи кўринишини Ford’нинг Европа бўлинмасини экстерьер бўйича бош дизайнери Недзад Муйчинович яратади.
Компания мутахассислар мактаб ўқувчилари билан бирга икки мингга яқин катта ёшдаги британияликлар ўртасида ҳам сўровнома ўтказган. Уларнинг бешдан бир қисми келажакда анъанавий ички ёнув двигателини сақлаб қолишга овоз берган. Бу каби қарорни улар моторнинг ишлаш овозини эшитишни хоҳлашлари, узатмалар қутисини алмаштиришни, бундан ташқари, ёнилғи қуйиш шохобчаларига боришни ёқтиришлари билан изоҳлаган.
Эслатиб ўтамиз, 2020 йилда Rolls-Royce россиялик 6 ёшли қизни келажак машинаси концепти учун тақдирлаганди.
Мавзуга доир: Учадиган Аudi ишланмалари билан болалар шуғулланади
Изоҳ (0)