Мичиган штатининг Иқтисодий ривожланиш департаменти автоматик режимда электромобилларни симсиз қувватлантиришни амалга оширишга қодир тажриба йўлини қуриш лойиҳаси ишга туширилганини эълон қилди. Мутахассисларнинг фикрича, ўзига хос йўл қопламаси ҳайдовчиларга қувват тугаб қолишидан хавотирланмасликни таъминлайди, деб хабар беради Motor.
Лойиҳа ташаббускорларининг ғоясига кўра, йўл қопламасига уйғунлаштирилган симсиз қувватлантириш тизими ҳаракат вақтида исталган турдаги электромобилларни қувватлантира олади. Технология ҳайдовчиларга қувватлантириш станцияси жойлашган ҳудудларини қидиришга имкон қолдирмайди. Бу каби инфратузилманинг ривожланиши ҳам хусусий, ҳам тижорий батарея транспортларидан фойдаланиш имкониятини кенгайтиришга хизмат қилади.
Яқин кунларда штатнинг Транспорт департаменти технология ихтироси, синови ва жорий этилиши бўйича аризаларни қабул қилади. Биринчи босқичда штатдаги трассанинг бир қисмига симсиз қувватлантиргич ўрнатилган 1,5 километрли йўл қурилади. Тажриба муваффақиятли якунланса, бу каби технологиядан автотрассаларда фойдаланишга ўтилади.
Швециянинг Готланд ороли, Тель-Авив ва Германиянинг Карлсруэ шаҳрида бу каби симсиз қувватлантирувчи йўллар борлигига қарамай, мазкур технология ҳали дастлабки босқич жараёнида.
Изоҳ (0)