Қашқадарё вилоятининг Шаҳрисабз туманида Lacetti Gentra билан тўқнашиши оқибатида Nexia-2 да бўлган икки нафар вояга етмаган қиз вафот этди. Бу ҳақда вилоят ИИБ матбуот хизмати хабар берди.
Маълум қилинишича, 18 сентябрь куни соат тахминан 17:20 ларда Шаҳрисабз тумани ҳудудидан ўтувчи йўлда тезликни камайтиришга қаратилган белги ўрнатилганга қарамай, катта тезликда кетаётган Lacetti Gentra ўз йўналиши бўйича ҳаракатланиб кетаётган Nexia-2 йўлига чиқиб кетиб, тўқнашган. Оқибатда Nexia’да йўловчи сифатида кетаётган икки қиз оғир тан жароҳати олиб шифохонада вафот этган.
Ҳолат юзасидан Шаҳрисабз туман ИИБ ҳузуридаги ТБ томонидан Жиноят кодексининг 266-моддаси 2-қисми «а» банди билан (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилган.
Мавзуга доир:
- Бухорода Nexia ва Damas тўқнашиши оқибатида икки киши оғир тан жароҳати олди
- Андижонда Tracker бетон тўсиққа бориб урилиши оқибатида унда бўлган 3 нафар талаба йигит вафот этди
- Андижонда юк машинаси ва 5 та енгил автомобиль иштирокида ЙТҲ юз берди. Бир киши вафот этди
- Қорақалпоғистонда юк машинаси билан тўқнашган Cobalt ҳайдовчиси воқеа жойида вафот этди
Изоҳ (0)