Германиянинг Brabus устахонаси дунёдаги энг тезкор кроссоверлардан бирини тақдим этди. Brabus 900 Rocker Edition номини олган машина жиддий модификацияга учраган Mercedes-Benz GLE ҳисобланади. Моделга 900 от кучини тақдим этишга қодир 4,0 литрли V8 двигатели ўрнатилган бўлиб, кросс-купе соатига 100 километр тезликка 3,2 сонияда эришади, деб хабар беради Motor.
Боттроплик моторчилар М 177 двигателининг ишчи ҳажмини 425 сантиметр кубга оширган, цилиндрга келадиган ҳавони олдиндан сиқиб берувчи компрессор, поршенлар, шатунлар, тирсаквални алмаштирган ва зангламайдиган металлдан ишланган газ чиқариш тизимини ўрнатган. Натижада 900 от кучи ва 1250 Нм айланувчи моментни тақдим этадиган двигатель ҳосил бўлган, бироқ керакли ишончлиликка эришиш учун тортувчи куч электроника билан Нм 1050 га қадар чекланган.
Шунингдек, машинага Brabus’нинг углерод пластикли компонентлардан ишланган аэродинамик «обвес»и, Airmatic пневмоподвескаси (клиренс 2,5 сантиметрга камайган), ностандарт углерод-керамик тормозлар, шу билан бирга, диаметрик 23 ёки 24 дюймли Brabus Monoblock дискалари ўрнатилган.
Биринчи Brabus 900 Rocker Edition кроссоверининг салони олча рангли хром ва алюминий, кул ранг чарм, алкантара ва углерод тола билан безатилган, аммо мижозлар бу каби вариантни танлашга мажбур эмас.
Серияли кроссоверлар орасида соатига 100 километр тезликка эришадиган моделларга Porsche Cayenne Turbo GT етакчилик қилади — 3,3 сония. Brabus 900 Rocker Edition эса ушбу вазифани 0,1 сонияга тезроқ уддалайди.
Немис ательеси ушбу кроссовердан 25 нусха ишлаб чиқаришни режалаштирмоқда ва унинг нархи 381 минг евродан бошланади. Улар уч йил ёки 100 минг километр масофани босиб ўтишга кафолат беради. Германияда 612 от кучига эга оддий Mercedes-AMG GLE 63 S Coupe нархи бундан 2,6 баробар арзон.
Мавзуга доир:
Изоҳ (0)