Хитойда 11 йил қаторасига энг хунук бинолар танлови ўтказилмоқда. Бу йили фуқаролар 87 та лойиҳадан энг кўримсизига овоз бериш орқали танлаб олади.
South China Morning Post нашрининг маълум қилишича, танловни ўтказишдан мақсад «архитектуранинг гўзаллиги ва хунуклиги ҳақида мунозарани бошлаш, шунингдек, меъморларга ижтимоий масъулиятини эслатиш»дан иборат. Айни вақтда иштирокчиларнинг аксарияти (8800 нафари) Чжесян университетининг Жанубий дарвозаси учун овоз берган.
Иккинчи ўринда Хитой миллий костюмидаги эркак ва аёл кўринишидаги шишадан ишланган осма кўприк бўлган. Унга 3 мингдан ортиқ киши овоз берган. 1700 овоз билан энг хунук бинолар рўйхатида Фошанедаги скрипка кўринишидаги черков бўлган.
Сиандаги болалар санъати халқаро маркази эса тўртинчи ўринга лойиқ деб топилган. Кўриниши болалар дунёсининг рамзи экани айтиладиган бинога 1500 дан кўпроқ овоз берган. Тақдим қилинган ишлар орасида, шунингдек, «матрёшка» кўринишидаги 72 метрли Taowa Theme меҳмонхонаси ҳам бор. Монголияда жойлашган мазкур меҳмонхона дунёдаги энг йирик қўғирчоқ бино ҳисобланади. Айни вақтга қадар унга 1449 та овоз берилган. Олтинчи ўринда эса ҳозирча Дапиндаги 12 та хонали тўнкарилган уй бўлиб турибди.
Бу бинолардан ташқари, Юньнань боғидаги дарвоза, Гуйян шаҳар округидаги санъат маркази, қолаверса, кубик-рубик кўринишидаги бино ҳамда бошқа лойиҳаларга овоз берса ҳам бўлади.
Изоҳ (0)