Qatardagi kelajak allaqachon kelganini isbotlovchi, ajoyib arxitekturaga ega 3 bino (foto)

Insonlar turli sabablarga ko‘ra sayohatga otlanadi, ammo o‘ziga xos arxitektura bilan birga kelajak haqida tasavvurga ega bo‘lishni istaganlar shubhasiz Qatar tomon yo‘l oladi.

Milliy kutubxona

Mazkur o‘ziga xos bino urbanistik yo‘nalishda faoliyat yuritishi bilan dunyoga mashhur gollandiyalik arxitektor Rem Kolxas rahbarligida loyihalashtirilgan. Elektr quvvatini tejash hamda ekologik bo‘lishi uchun bino haybatli shisha panellardan ishlangan bo‘lib, bu kunduzi bino ichi yetarlicha yorug‘ bo‘lishiga hissa qo‘shadi.

Interyer ham och rangdaligi hisobiga ichkaridan qaralganda bino hududi cheksizdek ko‘rinadi. Milliondan ortiq kitoblarni o‘z ichiga oladigan mazkur kutubxonaning 6 metr chuqurlikda joylashgan yerto‘lasida tarixiy meros to‘plami mavjud bo‘lib, u yerda saqlanadigan asarlar VII asrga oid. Bino nafaqat zamonaviy arxitektura asosida qurilgani, balki o‘quvchilar uchun innovatsion xizmatlar bor ekani bilan ham o‘ziga xosdir. U yerdagi kitoblar avtomatik tarzda saralanadi, o‘quvchilar uchun osma o‘rindiqlar va mustaqil ravishda ro‘yxatga oluvchi qurilmalar mavjud.

Al-Janoub stadioni

Mazkur stadion kelasi yil u bo‘lib o‘tadigan Jahon chempionati o‘yinlarini o‘tkazish uchun maxsus qurilgan.

Tashqaridan qaraganda, yelkanni esga soladigan Al-Janoub’ning ichki qismi boshqa stadionlardan farq qilmaydi, ammo yuqori qismiga nazar tashlansa, tom qismlarining qimirlashiga guvoh bo‘lish mumkin.

Nobu Doha restorani

Aynan ushbu muassasa ushbu tarmoqdagi barcha restoranlarning eng kattasi hisoblanadi. Har bir detalga alohida e’tibor qaratgan tadbirkorlar interyer borasida mahalliy motivlardan

ilhomlanilgan.

Ayniqsa, poytaxtda qazib olinishi bilan dunyoga mashhur bo‘lgan marvaridlarni uchratish mumkin. Restoranda mazali ovqatlar bilan birga shahar va qirg‘oqning go‘zal manzarasini zavq bilan kuzatish mumkin.