Хитойнинг Чунцин шаҳридаги Raffles City Chongqing осмонўпар бинолар мажмуасида янги диққатга сазовор маскан — Crystal номли «горизонтал осмонўпар» бино фойдаланишга топширилди. Уни 250 метр баландликда тўртта минора кўтариб турибди. Бинонинг узунлиги 300 метрга, оғирлиги эса 12 минг тоннага тенг, деб хабар беради CNN.
Маълумотларга кўра, Crystal ташриф буюрувчилар учун ўз эшикларини очган. Тезюрар лифт одамларни 50 сония ичида бинога олиб чиқади.
«Горизонтал осмонўпар» ичидан келажакда Марсдаги ҳаётга бағишланган кўргазма павильони ва шаффоф полга эга пастни кўриш майдончаси ўрин олган.
Янцзи ва Цзялин дарёларини, шунингдек, шаҳарнинг ажойиб кўринишини томоша қилишга мўлжалланган майдонча кўплаб туристларни ўзига жалб этади.
Таъкидланишича, баъзи ташриф буюрувчилар шишали полдаги кўриш майдончасида ўзини ёмон ҳис қилиб, бошлари айланиб кетган. Айримлар учун эса бу каби полда бир неча қадам ташлаш — ҳақиқий муаммога айланган.
Маълумотларга кўра, яқин кунлар ичида Crystal’да улкан бассейн, ресторан ва барларга эга хусусий клуб ҳам очилиши кутилмоқда.
Мавзуга доир: Фото: Хертогенбосдаги думалоқ уйлар
Изоҳ (0)