Xitoyda 11-yil qatorasiga eng xunuk binolar tanlovi o‘tkazilmoqda. Bu yili fuqarolar 87 ta loyihadan eng ko‘rimsiziga ovoz berish orqali tanlab oladi.
South China Morning Post nashrining ma’lum qilishicha, tanlovni o‘tkazishdan maqsad “arxitekturaning go‘zalligi va xunukligi haqida munozarani boshlash, shuningdek, me’morlarga ijtimoiy mas’uliyatini eslatish”dan iborat. Ayni vaqtda ishtirokchilarning aksariyati (8800 nafari) Chjesyan universitetining Janubiy darvozasi uchun ovoz bergan.
Ikkinchi o‘rinda Xitoy milliy kostyumidagi erkak va ayol ko‘rinishidagi shishadan ishlangan osma ko‘prik bo‘lgan. Unga 3 mingdan ortiq kishi ovoz bergan. 1700 ovoz bilan eng xunuk binolar ro‘yxatida Foshanedagi skripka ko‘rinishidagi cherkov bo‘lgan.
Siandagi bolalar san’ati xalqaro markazi esa to‘rtinchi o‘ringa loyiq deb topilgan. Ko‘rinishi bolalar dunyosining ramzi ekani aytiladigan binoga 1500 dan ko‘proq ovoz bergan. Taqdim qilingan ishlar orasida, shuningdek, “matryoshka” ko‘rinishidagi 72 metrli Taowa Theme mehmonxonasi ham bor. Mongoliyada joylashgan mazkur mehmonxona dunyodagi eng yirik qo‘g‘irchoq bino hisoblanadi. Ayni vaqtga qadar unga 1449 ta ovoz berilgan. Oltinchi o‘rinda esa hozircha Dapindagi 12 ta xonali to‘nkarilgan uy bo‘lib turibdi.
Bu binolardan tashqari, Yunnan bog‘idagi darvoza, Guyyan shahar okrugidagi san’at markazi, qolaversa, kubik-rubik ko‘rinishidagi bino hamda boshqa loyihalarga ovoz bersa ham bo‘ladi.
Izoh (0)