Бугун,

  • USD 11095.31
  • RUB 173.84
  • EUR 10772.44

Дунё ва ўзбек спортига оид 21 сентябрь кунининг энг муҳим хабарлари дайжести билан танишинг.

Ўзбекистон

Аёллар ўртасидаги Осиё Кубоги саралаш босқичи доирасида Ўзбекистон миллий терма жамоаси 20 сентябрь куни Мўғулистонга қарши баҳс олиб борди. Унда ўзбекистонликлар 12:0 ҳисобидаги ғалабани қўлга киритди.

Фото: ЎФА

Фото: ЎФА

Шу тариқа кейинги босқич масаласи 23 сентябрь куни бўлиб ўтадиган Ўзбекистон ва Жанубий Корея терма жамоалари ўртасидаги учрашувдан кейин ҳал бўлади. Кореяликлар ҳам Мўғулистон дарвозасига жавобсиз 12 та тўп киритганди.

Осиё Кубоги саралаши

2-тур баҳси

20 сентябрь, душанба

Ўзбекистон — Мўғулистон 12:0

Голлар: Людмила Карачик (15), Диёрахон Ҳабибуллаева (20, 22, 52),  Нилуфар Қудратова (27, 60), Алтунтуя Алтансукҳ (31, Маҳлиёхон Сарикова (47, 63, 83), Саида Галимова (72), Мафтуна Шойимова (74).

Ўзбекистон футзал терма жамоасининг мундиал нимчорак финалидаги рақибини маълум бўлди

Литвада ўтаётган Жаҳон чемпионатининг барча 1/8 финал иштирокчилари маълум бўлди. Баҳодир Аҳмедов шогирдлари нимчорак финалда Эронга қарши баҳс олиб боради. Ўйин 24 сентябрь куни Ўзбекистон вақти билан 19:30 да бошланади. Ушбу учрашув ғолиби чорак финалда Қозоғистон — Таиланд ўйини ғолиби билан тўқнаш келади.

Қайд этиш керак, Ўзбекистон футзал терма жамоаси ҳозирга қадар 12 марта Эрон билан расмий ўйинларда тўқнаш келган ва барчасида мағлуб бўлган. Тўплар нисбати — 19:79.

Фото: ЎФА

Фото: ЎФА

«Насаф» ОФК Кубоги ярим финалида Ҳиндистон клубини қабул қилади

Қаршиликлар 22 сентябрь куни ОФК Кубоги ярим финалида Ҳиндистоннинг «Атк Моҳун Баган» жамоасига қарши баҳс олиб боради. Ўйин Қаршидаги «Марказий» стадионда 20:00 да бошланади.

Фото: «Насаф»

Фото: «Насаф»

ОФК Кубоги

Ярим финал баҳси

22 сентябрь, 20:00

«Насаф» Ўзбекистон — «Атк Моҳун Баган» Ҳиндистон

Жаҳон

«Барселона» Рональд Куман ўрнига бир нечта мураббий номзодини кўриб чиқмоқда

Фото: Twitter

Фото: Twitter

Каталонларнинг душанба оқшомидаги қониқарсиз натижасидан («Гранада»га қарши ўйинда 1:1) кейин Куманнинг кетиши ҳақидаги миш-мишлар кўпайди. «Барселона» президенти Хоан Лапорта «Ювентус» собиқ устози Андреа Пирлони бош мураббий этиб тайинламоқчи. Шу билан бирга Пирло ягона номзод эмас. Журналист Херард Ромерога кўра, «Барса» Куманнинг ўрнига 5-6 нафар мутахассис номзодини кўриб чиқмоқда. Улар орасида Антонио Конте, Филлип Коку ва Хави каби мураббийлар бор.

Нидерландиялик мутахассис қўл остидаги «Барселона» Ла Лига 5-туридан кейин 5 очко билан 7-ўринда бормоқда. Чемпионлар Лигаси 1-турида эса «Бавария»дан 0:3 ҳисобидаги мағлубиятни қабул қилиб олди.

Президентликка номзодини қўйган Мэнни Пакьяо боксдаги фаолиятини якунлади

Фото: Getty Images

Фото: Getty Images

Аввалроқ афсонавий боксчи Мэнни Пакьяо Флиппин президентлигига ўз номзодини қўйгани хабар қилинганди. 42 ёшли спортчи боксдаги фаолиятини якунлаганини тасдиқлади

Менинг фаолиятим? У аллақачон тугаган, ҳаммаси тамом. Кўпдан бери бокс билан шуғулланаман, оилам тугатиш кераклигини айтмоқда.

Бокс билан шуғулланишда давом этаётгандим, чунки мен ҳақиқатда бу спорт турига қизиқаман. Энди ўз юртимдаги бошқа боксчиларни қўллаб-қувватлайман.

Мэнни Пакьяо, собиқ боксчи

Пакяо профессионал рингда 70 та жанг ўтказиб, 62 марта ғалаба қозонган (39 нокаут), 8 марта мағлубиятга учраган ва икки бор дуранг қайд этган.

Месси «ПСЖ»нинг навбатдаги ўйинида иштирок эта олмайди

Фото: Getty Images

Фото: Getty Images

«ПСЖ» ҳужумчисининг тиззасида шикастланиш кузатилган. Месси «Лион»га қарши ўйин олди машғулотида ўзини ноқулай ҳис қилган. У бугун МРТ текширувидан ўтади. Икки кун ичида футболчининг қанча муддатга сафдан чиққани маълум бўлади. Бу ҳақда парижликлар матбуот хизмати маълум қилди.

Шу тариқа аргентиналик футболчи 22 сентябрь кунги «Мец»га қарши ўйинни ўтказиб юборади.

Хамес Родригес Қатар чемпионатига йўл олади

«Эвертон» ярим ҳимоячиси фаолиятини Қатарнинг «Ар-Райян» клубида давом эттириши мумкин. Николо Скиранинг хабар қилишича, Қатар клуби «Эвертон» ва ўйинчи билан келишувга эришган.

Хамес АПЛ жорий мавсумида бирорта ўйин ўтказмади. Аввалроқ унга «Истанбул Башакшеҳир» клубидан таклиф бўлгани хабар қилинганди.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)