Фаолиятида бирор марта мағлубиятга учрамаган ва онасига берган ваъда туфайли MMA’ни тарк этган тирик афсона — Ҳабиб Нурмагомедов 33 ёшда
Ҳабиб Нурмагомедов — аралаш жанглар тарихидаги энг кучли спортчилардан бири. Бутун фаолияти давомида 29 марта жанг қилиб, бирор марта мағлубиятга учрамаган. Болалигида Фёдор Емеляненконинг мухлиси бўлган Ҳабиб 33 ёшни қарши олди. Қуйида унинг фаолиятига оид айрим суратлар ва маълумотлар тақдим этилади.
Ҳабиб Нурмагомедов 1988 йил 20 сентябрда Доғистонда таваллуд топган.Фото: Instagram / Ҳабиб Нурмагомедов
Бир куни дўстлари Ҳабибга аралаш жанглар ёзиб олинган тасмани кўрсатади. Нурмагомедовга аралаш жанг санъати (MMA) ёқиб қолади ва ушбу спорт турида ўзини синаб кўришни хоҳлайди. Фото: Instagram / Ҳабиб Нурмагомедов
Ҳабиб 2000 йилларда фаолиятининг чўққисига эришган россиялик Фёдор Емеляненконинг мухлисига айланади. У бир неча бор интервьюларида Емеляненкони аралаш жанг санъати тарихидаги энг яхши жангчи деб таъкидлаган.Фото: Ringside
2012 йилда UFC билан шартнома имзолайди. 20 январда эса Нурмагомедов Камал Шалорусга қарши жанг қилади ва учинчи раундда ғалаба қозонади.Фото: Getty Images
2018 йил апрель ойида Ҳабиб Нурмагомедов енгил дивизион вакант чемпионлик камари учун Тони Фергюсонга қарши жанг қилиши эълон қилинди. Лекин жангга 6 кун қолганда Фергюсон тиззасидан жароҳат олди ва унинг ўрнини Макс Ҳоллоуэй эгаллади. Лекин унга ҳам соғлиғидаги муаммо туфайли шифокорлар рухсат бермади. Якунда Эл Яквинта Ҳабибнинг рақибига айланди. Ҳабиб ҳеч қандай имконият қолдирмасдан Яквинтани мағлуб этди ва чемпионга айланди. Фото: Getty Images
2018 йилнинг октябрь ойида эса UFC 229 да чемпионлик титулини ҳимоя қилиш мақсадида Конор Макгрегорга қарши жанг қилди. 4-раундда Ҳабиб рақибини бўғиш усулида мағлуб этди. Фото: Getty Images
Нурмагомедов ва Макгрегор жамоалари ўртасида жанг бошланиб кетди. Ирландиялик спортчи ҳам зарба қабул қилиб олди. Ҳабибга чемпионлик камари октагонда топширилмади. Фото: Getty Images
MMA бўйича GFC 20 мусобақасининг фахрий меҳмони Ҳабиб Нурмагомедов 2019 йил 20 ноябрь санасида Тошкентга келди.Фото: «Дарё»
2020 йилда Ҳабиб Нурмагомедов ўз Instagram саҳифасига Ўзбекистон герби туширилган либосда машғулот ўтаётгани тасвирланган суратни қўйганди. Фото: Instagram
2020 йил 3 июль куни Ҳабиб Нурмагомедовнинг отаси Абдулманап Нурмагомедов коронавирус асоратлари оқибатида вафот этди. Фото: Getty Images
2020 йилда Ҳабиб Нурмагомедов ва Тони Фергюсон ўртасида бўлиб ўтиши мўлжалланган жанг 5-марта қолдирилди.Фото: Getty Images
2020 йил 24 октябрь куни Абу-Дабида Ҳабиб америкалик Жастин Гэтжига қарши жанг қилди. Ҳабиб иккинчи раундда бўғиш усули билан ғалаба қозонди.Фото: Getty Images
Изоҳ (0)