Футбол бўйича Ла Лига 5-турининг сўнгги ўйинида «Барселона» 20 сентябрь, душанба куни «Гранада»ни қабул қилди.
«Камп Ноу»да ўтган ўйин тезкор гол билан бошланди. 2-дақиқада меҳмонлар ҳимоячиси Домингуш Дуарте ҳисобни очишга муваффақ бўлди. Ушбу ҳисоб ўйиннинг катта қисми давомида сақланиб турди. Фақатгина учрашувнинг сўнгги дақиқасида Роналд Араухо мувозанатни тиклади ва «Барселона»ни мағлубиятдан қутқариб қолди. Уругвайлик ҳимоячи ушбу вазиятда иккинчи қаватдан оширилган тўпни боши билан дарвозага жойлаб қўйди.
Учрашувдаги голлар видеосини бу ерда томоша қилиш мумкин — ҳавола.
Ла Лига
5-тур баҳси
20 сентябрь, душанба
«Барселона» — «Гранада» 1:1
Голлар: 0:1 – 2 Дуарте, 1:1 – 90 Араухо.«Барселона» – тер Стеген, Дест, Эрик Гарсия, Араухо, Бальде (Мингеса, 42), Бускетс (Пуч, 74), де Йонг, Сержи Роберто (де Йонг, 46), Демир (Пике, 75), Депай, Коутиньо (Гави, 60).
«Гранада» – Луиш Машимиану, Кини, Дуарте, Абрам (Ҳерман Санчес, 78), Эскудеро (Нева, 46), Пуэртас (Гоналон, 67), Мончу, Этеки (Монторо, 30), Миля, Мачис, Молина (Суарес, 67).
Огоҳлантиришлар: Монторо (40), Гоналон (71), Мингеса (77), Луиш Машимиану (86), Мончу (87), Араухо (88), Кини (88), Бакка (90), Пике (90).
Изоҳ (0)