Британиянинг автомобиль ишлаб чиқарувчи Rolls-Royce компанияси ўзининг Spirit of Innovation номли электросамолётининг илк парвозини амалга оширди. Бу ҳақда компания сайтида маълум қилинган, деб ёзади Esquire.
Таъкидланишича, синов Буюк Британияда бўлиб ўтган. Самолёт Британия Мудофаа вазирлигининг «Боскомб Даун» аэродромидан учирилган. Аппарат ҳавода 15 дақиқага яқин вақт давомида бўлган. Лойиҳанинг 50 фоизи Буюк Британия ҳукумати томонидан молиялаштирилган. Энергия тежовчи батарея ўрнатилган самолёт двигателининг кучи 400 кВт (тахминан, 544 от кучига тенг)ни ташкил қилади. Самолёт соатига 480 километргача ҳаракатланиши мумкин.
Rolls-Royce жамиятга ҳаво, ер ва сувда транспортни декарбонизациялаш учун керак бўлган инновация устида ишлаётганини билдирган. Хусусан, компания 2026 йилга қадар тўлиқ ўлчамли электр йўловчи самолётини тайёрлашни, 2050 йилда эса буткул экологик тоза маҳсулотлар ишлаб чиқаришни режалаштирмоқда, дейилади хабарда.
Изоҳ (0)