Сингапурдаги AiTreat стартапи инсонларни массаж қилишга қодир сунъий интеллектга эга EMMA роботини ихтиро қилди. Таъкидланишича, у анъанавий хитой тиббиёти тизими бўйича массаж қилишга қодир, деб хабар беради «Korrespondent.net».
Қурилма мушакларнинг қаттиқлигини ўлчайдиган уч ўлчовли кўриш сенсори ёрдамида ишлайди. Унинг «қўллари» Цельсий бўйича 38-40 даражада қизийди. Улар худди инсон қўллари каби юмшоқ.
Ихтирочилар ўз қурилмаси яқин келажакда у қадар қиммат бўлмаган массаж муолажаларини ўтказишни бошлашига умид қилмоқда. Айни вақтда эса шаҳар шифохоналарида шу каби жами 11 та қурилма ишламоқда.
Аввалроқ хитойликлар инсонга ўхшаш уй роботининг прототипини намойиш этгани, Австралияда эса олма теришга қодир робот яратилгани тўғрисида хабар берилганди.
Изоҳ (0)