Rolls-Royce kompaniyasi Black Badge versiyasidagi to‘q ko‘k kuzov va ugleplastikdan tayyorlangan “Ekstaz ruhi” ramzi bilan jihozlangan eksklyuziv Cullinan’ni namoyish etdi. Krossover Google’ning tenxologiyalar bo‘yicha vitse-prezidenti Benjamin Sloss buyurtmasiga asosan yaratilgan, deb xabar beradi Motor.

Cullinan Black Badge kuzovi eksklyuziv versiya uchun maxsus yaratilgan Pikes Peak Blue rangiga bo‘yalgan. Kuzovning “yelka” qismidan o‘tgan sariq chiziq, shuningdek, sariq tormoz diskalari kontrastni hosil qiladi.

Amerika texnogigantining top-menejerining buyurtmasi bo‘yicha kapotdagi “Ekstaz ruhi” figurasi butun karbon bo‘lagidan yasalgan. Sariq aksentlar yorqin “vstavka”lar bilan bezatilgan old panel va eshik kartlariga ega salonda ham davom etgan. O‘rindiqlar tikilgan chiqiz, cheksizlik ramziga ega Rolls-Royce logotipi va Slossning shaxsiy monogrammasi ham shu rangda ishlangan.

Krossoverning o‘ziga xos jihatlari orasidan zanglamaydigan po‘latli to‘q ko‘k romga solingan firma soatlari, shuningdek, top-menejerning rafiqasi Kriston Slossning poyga jamoasi tufli ko‘rinishidagi logotipi eshiklarga tushirilgan.

Rolls-Royce Cullinan Black Badge kapoti ostidan 600 ot kuchini taqdim etishga qodir 6,75 litrli V12 dvigateli o‘rin olgan. Bundan tashqari, aylanuvchi moment ham standart Cullinan’larnikiga qaraganda oshirilgan — 850 dan 900 Nmgacha. Krossover soatiga 100 kilometer tezlikka 4,9 soniyada erishadi, maksimal tezligi — 250 kilometr/soat.