Дунёдаги биринчи 200 мегапикселли тасвир датчиги тақдим этилди

Samsung компанияси 200 мегапиксел тиниқликда суратга олиш имконини берадиган ISOCELL HP1 датчигини тақдим этди, деб хабар беради Hi-Tech.Mail.ru.

Янги датчик 0,64 микрометр ўлчамдаги пикселларда яратилган. Кам ёритилган жойда ҳам идеал суратга олишни таъминлаш мақсадида ISOCELL HP1 пикселларни бирлаштирувчи мутлақо янги ChameleonCell технологияси билан жиҳозланган.

Шундай экан кам ёритилган жойда HP1 16 та қўшни пикселларини ўзида бирлаштирган 12,5 мегапикселли тасвир датчигига айланади. Ўлчами 2,56 микрометр шаклланган пиксел ёруғлик кўпроқ ютилишини таъминлайди, бу эса бино ёки қоронғуда аниқ ҳамда ёрқин суратлар олиш имконини беради.

Видеога келинадиган бўлса, янги датчик сониясига 30 та кадр тезлигида 8К форматда тасвирга олиш имкониятига эга. Бунга тўртта қўшни пикселларни бирлаштириш орқали 50 мегапикселгача (8192 х 6144) пасайтириш ва 8К (7680 х 4320) видео олиш мумкин.

Samsung ISOCELL HP1’дан ташқари ISOCELL GH5’ни ҳам тақдим этган — бу 1 микрометрли биринчи тасвир датчиги бўлиб, унга икки томонлама автофосул олувчи Dual Pixel Pro технологиясига интеграция қилинган.

Аввалроқ хитойлик икки инсайдер Samsung компанияси яқин кунларда 200 мегапикселли мобил сенсорни тақдим этиши ва у 2022 йилда сотувга чиқадиган Galaxy S22 флагманларига ўрнатилишини маълум қилганди.