Журналист ва блогерларга таҳдид қилиб, уларни ҳақоратлаган Риштон тумани тиббиёт бирлашмаси бошлиғи вазифасидан озод қилинди. Бу ҳақда 13 сентябрь куни ўтказилган матбуот анжуманида вилоят соғлиқни сақлаш бошқармаси бошлиғи Ҳусан Мамажонов маълум қилди, дея хабар берди «Дарё» мухбири.
«Риштон туман тиббиёт бирлашмасининг собиқ бошлиғи телефон орқали суҳбатида номаъқул, тизим раҳбарига ярашмайдиган сўзларни айтган. Бу тиббиёт ходимларини, барчамизни ноқулай ҳолатга солди. Буни тушуниб етган бирлашма бошлиғи ўша куннинг ўзида ўз хоҳиши билан ариза ёзди. Аризаси қаноатлантирилиб, у билан тузилган меҳнат шартномаси бекор қилинди. Журналист ва блогерларимиз унинг ҳаракатларидан норози бўлса, белгиланган тартибда ички ишлар ёки прокуратура идораларига мурожаат қилишлари мумкин», — дейди Ҳусан Мамажонов.
Маълум қилинишича, Усмон Мамадалиев Фарғона вилоят соғлиқни сақлаш бошқармасининг 2021 йил 10 сентябрдаги буйруғи билан вазифасидан озод этилган. Меҳнат кодексининг 97-моддаси 1-бандига асосан ходим билан тузилган меҳнат шартномаси бекор қилинган.
Қайд этилишича, Риштон тиббиёт бирлашмаси бошлиғи аудиохабар тарқалган куни видеомурожаат билан чиқиб, айтган гаплари учун узр сўраган.
Мавзуга доир:
- ОАВ: Иштихон ҳокимлиги матбуот хизмати ходими журналист камерасининг флешкасини «еб қўйди»
- Қашқадарёлик блогер сайёр қабулда вилоят ҳокимини видеога олгани учун ҳақоратланганини айтди. Уни ИИБ ходими тадбирдан олиб кетишга уринган
- Қаршида ИИБ ходими «Дарё» мухбирига қўполлик билан таҳдид қилди. ИИВ вазият ўрганиб чиқилишини маълум қилди
Изоҳ (0)