11 сентябрь куни Хитойда мамлакат ичидаги яна бир ҳудуд – Фуцзян провинцияси COVID-19 ўчоқларидан бирига айланди. Бу ҳақда Хитой соғлиқни сақлаш давлат қўмитаси ахборотига таяниб, «Интерфакс» хабар берган.
Хабарга кўра, 11 сентябрь куни Фуцзян провинциясининг Путян ҳамда Сюанчжоу шаҳарларида жами 19 та коронавирус юқтириб олиш билан боғлиқ локал тарқалиш ҳолати кузатилган.
Ортда қолган бир сутка ичида мамлакатда жами 46 та касалланиш ҳолати қайд этилган, касалланганларнинг 26 нафари хориждан келган фуқаролар бўлган.
Август бошларида Сзянсу провинциясининг Нанкин шаҳрида коронавирус билан касалланиш ҳолатларининг сони ортиб кетганди, бу ерда маҳаллий аэропортда хориждан келган авиалайнерлар тозаловчи ишчилар орасида COVID-19 билан касалланиш ҳолатлари кузатилганди. Оқибатда COVID-19 туфайли Хитой ўз фуқароларига хорижга чиқиш паспорти беришни вақтинча тўхтатган. Кейинчалик август охирида Хитойда коронавирус тарқалиши кескин камайгани хабар қилинди.Пандемия бошланганидан бери Хитойда жами 95 199 та касалланиш ҳолати кузатилган, шу вақтга қадар 4636 нафар бемор COVID-19 асоратлари оқибатида вафот этган.
Изоҳ (0)