«Уммон» гуруҳининг собиқ аъзоси Шоҳрух Исамуҳаммедов «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Фото: «Дарё»
Шоҳрух Исамуҳаммедов суҳбат давомида шоу-бизнесдан кетишига Сардор Раҳимхон сабаб бўлгани ва Сардор Раҳимхоннинг «Юрак амри» лойиҳасида фаолиятини давом эттирмагани сабабини изоҳлади.
Шоу-бизнесдан кетишимга Сардор Раҳимхон сабаб бўлганлар. Анча вақтдан буён ўзим билан ўзим курашиб юрганман. Кейин Сардор Раҳимхон билан суҳбатлашиб, «бўлди, шоу-бизнесдан кетаман», деб қарор қабул қилганман.
Шоу-бизнесдан кетганимдан сўнг «Юрак амри» лойиҳасида Сардор Раҳимхон билан бирга юрдим. Кейинчалик бошқа ишларим сабаб вақтим бўлмади, кўп айтган жойларига бора олмай қолдим. Балки бу одатимдан хафа бўлиб қолгандирлар.
Кейин ўзим хайиря фонди очиш учун ҳаракат бошладим. Фонд очиш тартиб қоидаларини ўрганиб чиқдим. Керакли ташкилотлар билан ҳам боғландим. Очиғини айтсам фонд очишдан қўрқдим. Чунки йиғиладиган пулни тўғри тақсимлаш, керак бўлса, у пулларнинг бир сўми учун бу дунёда ҳам, у дунёда ҳам жавоб беришимни ўйладим. Қайсидир жойида илмим етмай қолиб, нотўғри ҳаракат қилиб қўймай, дедим.
Қиладиган эҳсонимни ҳеч кимга кўрсатмай беришни маъқул деб билдим, Аллоҳ билса бўлгани. Аллоҳ шу ишимни хоҳламади ва бу иш бўлмади, деб биламан.
«Юрак амри» лойиҳасида охиригача бирга бўлишга вақтим бўлмади.
Шоҳрух Исамуҳаммедов, тадбиркор, «Уммон» гуруҳининг собиқ аъзоси
Маълумот учун, Шоҳрух Исамуҳаммедов 1990 йил, 1 апрель куни Тошкент шаҳрида туғилган. 2018 йилдан «Уммон» гуруҳининг яккахони сифатида фаолиятини бошлаб, 2020 йилда шоу-бизнесни тарк этди.
