Австралиядаги ҳайвонот боғида бир йилдан буён чақалоқ йиғламоқда. Аммо хавотирга ўрин йўқ, аслида бу болага тақлид қилишни ўрганиб олган қуш

Лиродумлар (чумчуқсимонлар оиласига мансуб қуш) деярли ҳар қандай товушни — болғадан тортиб, беноарраю ёки автомобиль сигналигача такрорлай олади. Австралиядаги ҳайвонот боғида яшайдиган Эхо лақабли етти ёшли лиродум эса чақалоқ каби йиғлашга ўрганиб олди, деб хабар беради Meduza.

Ҳайвонот боғи ходимларининг сўзларига кўра, Эхо биринчи бор бир йил олдин «йиғлаган». Афтидан, у буни ёш ташриф буюрувчилардан ўрганган. Аммо ўша вақтда ўхшатиш ҳозиргидек ишонарли бўлмаган. Бир йил ичида ҳайвонот боғи коронавирус пандемияси сабаб ёпиқ бўлганига қарамай, лиродум ўз кўникмаларини такомиллаштиришга муваффақ бўлган.

Ҳайвонот боғи вакилларининг сўзларига кўра, болалар йиғиси — лиродум ўрганиб олган ягона товуш эмас. Эхо электродрель ва ўт ўчирувчилар сиренасини ҳам ажойиб ўхшатади. Мутахассисларнинг таъкидлашича, қуш ўзини турдошларига хос бўлмаган тарзда тутмоқда — одатда лиродумлар инсонларга боғлиқ товушларга тақлид қилмайди.

Аввалроқ Британияда Бейонсенинг қўшиғини куйлаган тўтиқуш машҳурликка эришгани тўғрисида хабар берилганди.