Қашқадарёда ЙПХ ходимлари формасида видеоролик тайёрлаб, TikTok ижтимоий тармоғига жойлаштирган қиз ва унинг шериклари жаримага тортилди. Бу ҳақда вилоят ИИБ ахборот хизмати хабар берди.
Таъкидланишича, ижтимоий тармоқларда ЙПХ инспекторлари формасини кийиб, ҳазил видео тайёрлаган қиз ва йигитларнинг чиқиши ўрганиб чиқилган.
«Ўрганишлар натижасига кўра, Қарши шаҳрида яшовчи Э.Д., Я.Ш., Х.Х.лар қонун билан қўриқланадиган давлат органлари вакилларининг ҳарбий, идоравий ва махсус формали кийим-бошини ноқонуний равишда кийиб, видеоролик тайёрлаган. Ҳамда ижтимоий тармоққа жойлаштирган», — дейилади вилоят ИИБ ахборот хизмати хабарида.
Хабарда қайд этилишича, ижтимоий тармоқларда тарқалган видеолавҳалар юзасидан ҳужжатлар тўпланиб, Жиноят ишлари бўйича Қарши шаҳар судига юборилган. Суд мазкур ишни кўриб чиқиб, видеолавҳада ЙПХ ходими формасида чиқиш қилган қизни базавий ҳисоблаш миқдорининг 2 баравари миқдорида (540 минг сўм), ҳайдовчи ва ЙҲХБ инспектори вазифасини бажарган йигитлар — Я.Ш. Х.Х.га эса базавий ҳисоблаш миқдорининг 4 баравари миқдорида (810 минг сўм ) жарима жазоси тайинлаган.
Мавзуга доир:
- Тошкентдаги «Новза» масжидига жума намозига келган ҳайдовчилар машиналари жаримага тортилаётгани айтилган видео бўйича изоҳ берилди
- Автомобилини Ўзбекистон байроғи рангларида бўяган ҳайдовчилар жаримага тортилмасдан, огоҳлантириш берилди
- Самарқандда «мигалка» ўрнатиб ҳаракатланган Lacetti жарима майдончасига жойлаштирилди
Изоҳ (0)