Bottega Veneta коллекциясида тақдим қилинган либослардаги сариқ ва сиёҳрангни 2021 йилнинг энг машҳур ранглари деб аташ мумкин. Айнан улар билан куз-қиш мавсумининг ёрқин умумлашмаси бўлади.
Ушбу бир-бирига зид, аммо қизиқарли рангларни мослаш нафақат дизайнер, балки мода ихлосмандларининг ҳам қалбидан жой олиб улгурган. Трендаги ҳар икки рангни мураккаб образлардан ташқари битта кийимнинг ўзида ҳам уйғун ҳолда мосласа бўлади. Versace, Эмилио Pucci ва Patou брендларининг намойишлари бунга яққол мисол бўла олади. Аксарият ҳолларда ижодкорлар сиёҳранг ва сариқни катак-катак ҳамда шахмат принти билан бирлаштиришни афзал билади.
Машҳур бўлиб улгурган ранглар уйғунлиги эркакларни ҳам бефарқ қолдирмаган. Дизайнерлар ҳар икки жинс вакилларига сиёҳранг кофта, кўйлак кийишни, ёрқин сариқ аксессуардан фойдаланиш ҳамда икки хил рангни ўзида мужассам қилган трикотаж билан образни бойитишни тавсия қилади. Подиумдаги чиқишлардан илҳомланиш тўғри келмайдиганларга эса сариқ тақинчоқ ва сумка билан сиёҳранг тренч танлаш айни муддао.
Ушбу рангларнинг умумлашмаси фақатгина кузда долзарб бўлмаслигини ҳисобга олган ҳолда ҳозирданоқ сариқ ва сиёҳранг кийим-кечак харид қилиш ёки гардеробни кўздан кечириш мақсадга мувофиқ бўлади.
2022 йилнинг баҳор-ёз коллекцияларида ҳам мазкур ёрқин рангдаги либос ва аксессуарларни учратиш мумкин бўлади.
Мавзуга доир:
- Кузги гардероб: Янги мавсумда долзарб бўладиган 7 кийим-кечак (фото)
- Олиб қўйишга шошилманг. Кузда кийса бўладиган ёзги кийим-кечаклар
- Аллақачон урфдан қолган 5 кофта модели (фото)
- Фото: Мода оламидаги ноодатий ва ноқулайликда бир-биридан қолишмайдиган пойабзаллар
- Қуёшдан ҳимояловчи кўзойнакларни қандай танлаш кераклиги юлдузлар мисолида
- Кийиниши аслидан кўра катта кўрсатадиган машҳур аёллар (фото)
- Тилла тақинчоқ тақишда аёллар томонидан йўл қўйиладиган хатолар (фото)
Изоҳ (0)