Бош прокуратура ижтимоий тармоқларда тарқалган Сурхондарёда спортчига бир неча киши томонидан ҳужум уюштирилгани тасвирланган видеога муносабат билдирди.
Ижтимоий тармоқларда Сурхондарё вилоятининг Денов туманида 2021 йилнинг 28 май куни бир нафар спортчига қарши 4 та автомашинада келган шахслар совуқ қуроллар билан ҳужум уюштиргани тасвирланган видео тарқалди. Ўзини ҳимоя қилишга мажбур бўлган спортчи жуда оғир тан жароҳати олган.
Идоранинг маълум қилишича, видеода кўрсатилган ҳолат юзасидан 29 май куни Денов тумани ИИБ ҳузуридаги тергов бўлими томонидан Жиноят кодексининг 277-моддаси (безорилик) билан жиноят иши қўзғатилиб, тергов ҳаракатлари олиб борилган.
Тергов давомида 7 нафар шахс айбланувчи тариқасида жалб қилиниб, барчасига қамоққа олиш эҳтиёт чораси қўлланилган. Тергов ҳаракатлари 23 август куни тамомланган. Ҳозирда жиноят иши судга юбориш арафасида турибди.
Аввалроқ Қаршида чемпион йигит ўлдирилгани ва унинг ўлимида айбланаётган 6 нафар шахс қамоққа олингани тўғрисида хабар берилганди.
Изоҳ (0)