Ўзбекистон Ташқи ишлар вазирлигига мамлакат Мустақиллиги куни муносабати билан Афғонистон Ислом Амирлиги матбуот котиби Забиҳуллоҳ Мужоҳид номидан табрикнома келди. Бу ҳақда вазирлик расмий вакили Юсуп Кабулжанов маълум қилди.
«Биз қўшни дўст Ўзбекистон ҳукумати ва халқини мустақилликнинг 30 йиллиги билан табриклаймиз ва бизнинг энг самимий тилакларимизни билдирамиз.
Биз Қодир Аллоҳдан Ўзбекистон халқи ва ҳукуматининг юксак қадр-қиммати ва ғурурини асрашини тилаб қоламиз.
Ўзбекистон ва Афғонистон халқларини нафақат яхши қўшничилик муносабатлари, балки умумий диний, маданий ва маънавий қадриятлар бирлаштиради ва бу муштараклик мамлакатларимиз халқларини янада бир-бирига яқинлаштиради.
Биз Ўзбекистон билан тинчлик ва барқарорликда, дўстлик ҳамда яхши қўшничилик руҳида доимий ҳамкорликни амалга оширишга умид боғлаб қоламиз», — дейилади Забиҳуллоҳ Мужоҳид юборган мактубда.
Бундан аввал «Толибон» ҳаракати Ўзбекистон халқи ва раҳбариятини Мустақиллик байрами билан табриклагани ҳақида хабар берилганди.
Мавзуга доир:
- Дубай амири Шавкат Мирзиёевни Ўзбекистон мустақиллигининг 30 йиллиги билан табриклади
- Google Ўзбекистонни дудл орқали Мустақиллик куни билан табриклади
- Гутерриш, Путин, Байден, Цзиньпин. Хориж давлатлари президентлари ва ҳукумат раҳбарлари Шавкат Мирзиёевни Ўзбекистон мустақиллиги билан табрикламоқда
Изоҳ (0)