Қашқадарё вилояти Нишон туманида Lacetti билан тўқнашган Cobalt ағдарилиб кетди, дея хабар қилмоқда ЙҲХББ.
Қайд этилишича, 2021 йилнинг 30 август куни соат 14:00 ларда Нишон тумани, «Пахтакор» МФЙ ҳудудидан ўтган 4Р-89 автомобиль йўлининг 18-километрида ҳайдовчи, 1993 йилда туғилган Р.Ш. бошқарувидаги Cobalt русумли ҳамда ҳайдовчи, 1959 йилда туғилган Б.А. бошқарувидаги Lacetti русумли автомобиллар иштирокида ЙТҲ содир бўлган.
Оқибатда Cobalt ағдарилиб кетган. Автомобиль йўловчиси тан жароҳати билан шифохонага олиб кетилган.
Мазкур ЙТҲ юзасидан Нишон тумани ИИБ ЙҲХБ ходимлари томонидан суриштирув ҳаракатлари олиб борилмоқда.
Бундан аввал Тошкентда ЙПХ ходимларидан қочишга уринган Spark ҳайдовчиси ушлангани, Самарқандда «мигалка» ўрнатиб ҳаракатланган Lacetti жарима майдончасига жойлаштирилгани ҳамда Жиззахда ўтган етти ой ичида содир бўлган ЙТҲлар оқибатида 74 киши вафот этгани ҳақида хабар берилганди.
Изоҳ (0)