2021 йилнинг баҳорида 712 от кучига эга RAM 1500 TRX пикапида Пенсильваниядаги ирмоқ устидан сакраб ўтган блогер сув ҳавзалари чегарасини бузиш, уларни ифлослантириш ва нотўғри фойдаланишда айбдор деб топилди. 18 та жиноий иш бўйича жами 53 минг доллар жарима белгиланган. Таъкидланишича, блогер жариманинг барчасини тўлаб бўлган ва реабилитацияни тезлаштириш дастурига қўшилган, деб хабар беради Motor.
Пенсильванияда сув ҳавзалари чегарасини бузиш, уларни ифлослантириш ва нотўғри фойдаланиш Summary Offence деб аталувчи жиноий жавобгарлик билан жазоланади.
Эълон қилинган видеода блогер RAM 1500 TRX’ни Пенсильвания штатидаги ўрмонларнинг бирида синовдан ўтказган. Тест-драйв вақтида эркак катта тезликда сув тўсиқларини босиб ўтган, шунингдек, ирмоқ устидан сакрашни амалга оширган. Бу каби трюкларнинг бирида автомобилнинг ҳатто орқа ойнаси ҳам синиб кетган.
Видео эълон қилинганидан сўнг штатнинг Балиқчилик бўйича комиссияси блогернинг устидан шикоят қилган. Уларнинг фикрича, эркак атроф муҳитга жиддий зарар етказган. Идора вакилларининг маълум қилишича, синов вақтида видео муаллифи сув ҳудудига ноқонуний кирган, ирмоқ яхлитлигини бузган, шунингдек, маҳаллий фауна оламини яксон қилган. Эндиликда эркак катта миқдорда жаримага тортилиши мумкин. Бундан ташқари, блогерга нисбатан атроф-муҳит ҳимояси тўғрисидаги қонунни бузганлиги учун 18 та жиноят иши очилган.
Блогернинг маълум қилишича, у экстремал видеони шахсий ҳудудда суратга олган бўлиб, суратга олиш ишларини ер эгаси билан келишиб олган.
Изоҳ (0)