Тошкент вилояти Зангиота туманида радар ўрнатилган махсус машинада хизмати қилаётган ЙПХ ходими фаолиятига халақит қилган ҳайдовчи жазоланди. Бу ҳақда «Замон» хабар қилмоқда.
Қайд этилишича, Тошкент вилояти ички ишлар бош бошқармаси йўл ҳаракати хавфсизлиги бошқармаси тасарруфида бўлган тезликни ўлчаш ускуналари ўрнатилган махсус транспорт воситаларидан бири М39 халқаро автомобиль йўлининг Зангиота тумани ҳудудидан ўтган қисмида иш олиб бораётган бўлган. Шу ердан ўтиб кетаётган ҳайдовчи М.Р. ўз шахсий Cobalt машинасини тўғри унинг олдида тўхтатиб, ушбу ҳолатни қўл телефонига тасвирга ола бошлайди.
Йўл-патруль хизмати инспектори ундан ишга халақит бермасликни сўрайди. Аммо у қайсарлик қилиб, талабни бажармайди. Шундан сўнг инспектор ички ишлар бошқармасидан ёрдамчи куч чақиради. Улар ҳайдовчини ички ишлар идорасига олиб кетади. Керакли ҳужжатларни тайёрлаб, ишни судга чиқаради.
Жиноят ишлари бўйича Зангиота туман судида тўпланган ҳужжатлар, гувоҳлар кўрсатмалари атрофлича ўрганилиб, Музаффар Раҳмоновга Маъмурий жавобгарлик тўғрисидаги кодексининг 183-моддаси (майда безорилик) билан 15 сутка маъмурий қамоқ жазоси тайинланди. Базавий ҳисоблашнинг бир баравари, яъни 245 минг сўм миқдорида жарима белгиланди.
Мавзуга доир:
- Тошкент вилоятида ЙПХ ходими хизмат машинасининг маёқчасини ёқиб қўйиб, шахсий мақсадда фойдаланганига изоҳ берилди
- Қашқадарёда автомобилни ҳайдовчи рухсатисиз жарима майдончасига ҳайдаб кетгани айтилган ЙПХ ходимига хизмат текшируви тайинланди
- Интернетда ЙПХ ходимларини гадойларга тенглаштириб, уларни ҳақорат қилган шахс 12 млн сўм жаримага тортилди
Изоҳ (0)