Uzbekistan Airways Ўзбекистон мустақиллигининг 30 йиллигига бағишлаб фақат эконом-классдан иборат янги моделдаги авиақатновларни бошлаши ҳақида хабар берилган эди. 30 август куни Тошкент—Москва йўналишида биринчи авиақатнов амалга оширилди.
Компания матбуот хизматининг маълум қилишича, илк Uzbekistan Airways Express авиақатновига Бандлик ва меҳнат муносабатлари вазирлиги билан ҳамкорликда 22 нафар мигрант-йўловчилар таклиф этилиб, уларга бир марталик Тошкент—Москва йўналишига бепул авиачипталар ҳадя этилди.
Uzbekistan Airways Express ўз авиақатновларини «тўлиқ эконом» тарзида компоновка қилинган 4 та Airbus А320 самолётида амалга оширади. Ушбу авиалайнерларда амалга оширилувчи парвозларнинг авиачипта нархлари 20 фоизга пасайтирилган ва сентябрь ойидан бошлаб қуйидаги йўналишларни ўз ичига олади:
- Тошкент—Москва —1 490 645 сўмдан, Тошкент—Москва—Тошкент — 2 833 750 сўмдан;
- Урганч—Москва — 1 490 645 сўмдан, Урганч—Москва—Урганч — 2 833 750 сўмдан;
- Наманган—Москва —1 490 645 сўмдан, Наманган—Москва—Наманган — 2 833 750 сўмдан;
- Бухоро—Москва — 1 490 645 сўмдан, Бухоро—Москва—Бухоро — 2 833 750 сўмдан;
- Фарғона—Москва — 1 490 645 сўмдан, Фарғона—Москва—Фарғона — 2 833 750 сўмдан;
- Қарши—Москва — 1 490 645 сўмдан, Қарши—Москва—Қарши — 2 833 750 сўмдан;
- Тошкент—Краснодар — 1 717 888 сўмдан, Тошкент—Краснодар—Тошкент — 3 158 892 сўмдан;
- Тошкент—Минералние Води — 1 551 782 сўмдан, Тошкент—Минералние Води—Тошкент — 3 003 550 сўмдан;
- Тошкент—Ростов-Дон — 1 520 238 сўмдан, Тошкент—Ростов-Дон—Тошкент — 2 974 635 сўмдан.
Аввалроқ Uzbekistan Airways Мустақиллик куни муносабати билан чипталарга 50 фоизгача чегирмалар эълон қилгани ҳақида хабар берилган эди.
Изоҳ (0)