Маҳалла телеканалида эфирга узатилаётган «Саодат» сериалидан бир кадр ижтимоий тармоқларда тарқалди. Суратда Ўзбекистоннинг биринчи президенти Ислом Каримовнинг портрети хиралаштирилгани акс этган. Мазкур ҳолат юзасидан телеканал раҳбарияти изоҳ берди, дея хабар бермоқда «Gazeta.uz»
«Маҳалла» телеканали директори ўринбосари Азиз Нуруллаев суратнинг хира эканлигини «техник хатолик» дея изоҳлади.
«‘Саодат’ сериали бўлган. У ерда техник хатолик кетган. Ҳозир бу нарса йўқ. Улар эскисидан (архивдан) олишган… Биз суриштирдик: шу кунларда эфирга берилаётган сериалда бу кетмаяпти, олиб ташланган дейишди… Шу кеча-кундузда кўришинглар мумкин сериал (эфирга) кетяпти. Унақа ҳеч нарса бекитилмаган… Монтажда энди ҳар хил нарса бўлиб туради», — деди у.
Бундан аввал Ўзбекистондаги «Ақлвой» болалар телеканалида беҳаё кадрлар эфирга узатилгани сабаб бутун телеканал ижодкорлари танбеҳ олгани ҳамда «Севимли» телеканали турк сериалидаги қизларнинг оёқлари хиралаштирилаётганига изоҳ бергани ҳақида хабар берилганди.
Изоҳ (0)