Перудаги Анд тоғларида автобус жарликка қулаб тушди. Оқибатда 15 киши ҳалок бўлди, уч киши яраланди.
Ҳодиса Апуримак ҳудудидаги Котабамбас провинциясида содир бўлган. Автобусда Лас Бамбас мис конининг ишчилари бор эди.
ОАВ маълумотларига кўра, жарликнинг чуқурлиги тахминан 200 метрни ташкил қилади.
Май ўртасида Покистон шарқида микроавтобус каналга қулаб тушиб, оқибатда 11 киши, жумладан, 7 нафар бола ҳалок бўлганди. Кейинроқ Покистон шимоли-шарқида йўловчи автобуси юк машинаси билан тўқнашиб кетган. Оқибатда камида 27 киши ҳалок бўлган, 30 дан ортиқ киши жароҳат олган.
Шунингдек, АҚШдаги сирпанчиқ трассада 130 га яқин машина тўқнашиб, 6 киши ҳалок бўлгани, Ганада автобуслар тўқнашуви оқибатида 17 нафар одам ҳалок бўлгани ҳамда Камерунда юк машинаси ва автобус иштирокидаги ЙТҲда 50 дан ортиқ одам ёниб кетгани ҳақида хабар берилганди.
Изоҳ (0)