Таомномага янгилик киритамиз: гуручли қийма солинган помидор рецепти

Мазали пишлоқ, қовурилган пиёз ва сабзи билан тўлдирилган иштаҳани очувчи мазкур гуручли таом барчага хуш ёқади.

Керакли маҳсулотлар: 

• гуруч — 50-60 гр;
• сабзи — 1 дона;
• пиёз — 1 дона;
• ўсимлик ёғи — 2 ош қошиқ;
• сметана — 1 ош қошиқ;
• помидор — 5 та;
• пишлоқ — 100 гр;
• туз;
• мурч.

1. Гуручни қайнатиб олинг.
2. Сабзини катта тишли қирғичдан ўтказинг. Пиёзни майдаланг.
3. 7-10 дақиқа давомида пиёз ва сабзини қовуринг, туз ва мурч солинг. Сметана қўшиб, бир дақиқадан сўнг оловдан олинг. Гуручга қўшиб аралаштиринг.
4. Помидорнинг юқори қисмини кесиб, қошиқ билан ичини тозалаб олинг.
5. Помидор ичига қирғичдан ўтказилган пишлоқни, кейин сабзавотли гуручни солинг. Қолган пишлоқни устига сепинг.
6. Помидорларни 15-20 дақиқа давомида 200 даражали печда пишириб олинг.