Мазкур иштаҳа очар егулик тез тайёрланиши билан сендвич ва бутербродларга яхши альтернатив бўла олади.
Керакли маҳсулотлар:
- колбаса — 200 гр;
- бодринг — 1-2 дона;
- булғор қалампири — 1 дона;
- пишлоқ — 100-150 гр;
- саримсоқ — 1-2 бўлак;
- майонез — 2-3 ош қошиқ;
- юпқа лаваш хамири;
- салат барги.
- Колбаса, бодринг ва булғор қалампирини майда бўлакларга бўлинг. Пишлоқни қирғичдан ўтказинг.
- Саримсоқни майдалаб, пишлоқ ва майонез билан аралаштиринг.
- Лаваш хамирига аввал пишлоқ сепинг, кейин салат барги қўйиб, колбаса, бодринг ва булғор қалампирини солинг.
- Рулетни яхшилаб ўраб, музлаткичда 20-25 дақиқага қолдиринг. Дастурхонга тортишдан аввал бўлакларга бўлинг.
Изоҳ (0)