Қовоқча ва творогдан мазали запеканка тайёрлаймиз

Ушбу егулик совитилганда истеъмол қилинса, янада мазали бўлади.

Керакли маҳсулотлар:

• қовоқча – 1300 грамм;
• творог – 400 грамм;
• тухум – 5 дона;
• ун – 120 грамм;
• саримсоқ – 2 бўлак;
• ўсимлик ёғи – 1 ош қошиқ;
• қаттиқ пишлоқ – 100-150 грамм;
• туз ва зираворлар.

1. Қовоқча тозаланиб, қирғичдан ўтказилади.
2. Туз сепиб, 5-10 дақиқага қолдирилади.
3. Творог ва тухум блендер ёрдамида аралаштирилади.
4. Қовоқча устидан творогли масса, ун, майдаланган саримсоқ, туз ва зираворлар солинади.
5. Запеканка қолипи ёғланиб, аралашма қуйилади.
6. 180 даражада қиздирилган печда аввал 40 дақиқа ва 160 даражада яна 20 дақиқа пиширилади.
7. Запеканка тайёр бўлишига 5-10 дақиқа қолганида устидан қирғичдан ўтказилган пишлоқ сепилади.