Оқ нон, бодроқ ва 30 ёшдан кейин истеъмол қилиш тавсия этилмайдиган 5 маҳсулот

Зарарли маҳсулотлар ҳар қандай ёшда ҳам зарарлидир. Аммо 30 ёшдан сўнг организмдаги метаболик жараёнлар кескин равишда секинлаша бошлайди ва бу вақтда овқатланиш сифатига алоҳида эътибор қаратиш лозим. Агар инсон ёшлик ва соғлиқни узоқ вақт сақламоқчи бўлса, бу маҳсулотларни рациондан чиқариши керак.

Йогурт

Йогурт ҳам бошқа сут маҳсулотлари сингари, албатта, фойдалидир. Аммо унинг хуштаъм версиялари ҳақида бундай дейиш мумкин эмас. Пластик идишга солинган мевали йогуртнинг бир порциясида тахминан 47 грамм шакар бор. Бу кун бўйи истеъмол қилиниши керак бўлган миқдордан бир ярим баравар кўп.

Соя

Кўпчилик соя гўштнинг ўрнини босувчи деб ҳисоблайди. Оқсил миқдори бўйича шундай бўлиши мумкин, лекин у энг фойдали маҳсулот эмас. Маълумки, соя маҳсулотларини доимий истеъмол қилиш танадаги яллиғланиш жараёнларини қўзғатиши ва қалқонсимон безнинг функциясига таъсир ўтказиши мумкин. Бундан ташқари, соя таркибида фитоэстрогенлар бор. Бу, албатта, гормонлар билан боғлиқ.

Оқ нон

Афсуски, бу маҳсулотдан ҳам воз кечишга тўғри келади. Ушбу маҳсулотда углеводлар мавжуд бўлиб, улар қондаги қанд миқдорининг кескин ошишига ва вазн ортишига олиб келади. Ва бундай маҳсулотнинг озуқавий қиймати жуда паст.

Қадоқланган шарбатлар

Қадоқланган шарбатда мевалар узоқ вақт туради. У қўшимча иссиқлик билан ишловдан ўтади ва фойдали витамин ва минералларнинг кўпини йўқотади. Бундан ташқари, ишлаб чиқарувчилар тайёр маҳсулотга мутлақо ақл бовар қилмайдиган миқдорда шакар қўшиб, унинг барча мумкин бўлган афзалликларини йўққа чиқаради.

Тайёр пиширилган маҳсулотлар

30 ёшдан сўнг принципиал жиҳатдан пишириқларга суянмаслик керак ёки фақат аниқ ўлчанган ингредиентлар билан уйда тайёрлаганини еган маъқул. Хўш, пиширилган маҳсулотлар дўконда бир неча кун давомида қандай қилиб янги ва юмшоқ туриши мумкин? Ёғлар, консервантлар бунинг учун ёрдам берса-да, саломатлик учун зарарли.

Бодроқ

Бу турдаги ярим тайёр маҳсулотларда трансёғлар мавжуд. Бу моддалар мия фаолиятига салбий таъсир кўрсатиб, ҳужайраларнинг ўлимига ва яллиғланиш ўчоқларининг пайдо бўлишига ёрдам беради. Бундан ташқари, бодроқ саратон хавфини оширади.

Қишлоқ хўжалиги балиқлари

Афсуски, дўконларда учрайдиган балиқларнинг 70 фоизи сунъий равишда етиштирилади. Агар ишлаб чиқарувчи юқори сифатли назоратга эга бўлмаса, маҳсулотлар соғлиқ учун хавфли бўлиши мумкин.