Деярли барча нарсанинг яроқлилик муддати бор. Лекин кўпчилик бу ҳақда билмайди ва улардан фойдаланишда давом этади.
Узайтиргичлар – 2 йил
Узайтиргичларда вақт ўтиб кучланиш ишдан чиқа бошлайди. Шунингдек, унга кўп нарсани юклаш тавсия этилмайди. Акс ҳолда улар қизиши, ҳаттоки эриб, нохуш ҳодисаларни келтириб чиқариши мумкин.
Водород пероксиди — 2 ой
Суюқлик ёпиқ ҳолда бир йилдан ортиқ сақланиши мумкин. Очиқ ҳолатда эса икки ойдан кўп эмас. Суюқлик таркибига кўра фақат ёпиқ ва қоронғи жойда сақланиши керак. Ёруғлик таъсири остида пероксид сув ва кислородга бўлинади ва умуман яроқсиз ҳолга келади.
Спорт пойабзали — 6 ой
Спорт пойабзали 500 километрдан кейин зарба ютувчи хусусиятини йўқотади, яъни бўғимларга юкни камайтиришни тўхтатади. Шундан сўнг пойабзал таглиги эскиради, намликни яхши қабул қилмайди ва гигиенага ҳам тўғри келмайди. Спорт билан мукаммал шуғулланадиган инсонлар йилига 10 дан ортиқ пойабзал харид қилиши мумкин.
Чой халталари — 6 ой
Ҳаттоки қадоқланган чой халталари ҳам ферментация туфайли 6 ойдан кейин яроқсиз ҳолга келади. Қора чойни 9 ойгача сақлаш мумкин. Лекин чой чангини ўз ичига олган арзон материал туфайли яроқлилик муддати ярим йилга қисқаради.
Тахтакачлар — 3 йил
Улар намлик ва доимий металл пичоқ таъсирида эскиради. Вақт ўтиши билан ёриқлар кўпайиб, ўзида бактериялар йиғиладиган жойга айланади.
Кўзойнаклар — 2 йил
Маълумки, қуёшдан сақлайдиган кўзойнаклар ультрабинафша нурларини қайтарувчи қопламага эга. Аммо нур таъсирида у аста-секин йўқ бўла бошлайди ва кўзни ҳимоялашни тўхтатади. Аниқ фойдаланиш ишлаб чиқарувчи томонидан белгиланади. Лекин ҳар икки йилда бир марта кўзойнакларни алмаштириш тавсия этилади.
Тиш пастаси ва чўткаси — 1 йил ва 3 ой
Тиш чўткаси ҳар уч ойда бир марта ўзгартирилиши керак. Шундагина у бактериялар кўпаядиган жойга айланмайди. Тиш пастасини эса бир йилдан ортиқ сақлаб бўлмайди. Саёҳат учун кичик тўплами бор инсонлар тиш пастаси муддатини текшириб кўриши лозим.
Сочиқ — 3 йил
Бактериялар кўпайишининг олдини олиш учун сочиқларни 3—4 марта ишлатгандан кейин ювиш керак. Шунингдек, тез-тез ювилган сочиқлар эскиради ва ишлатиш учун ярамайди.
Тароқ — 1 йил
Тароқ мунтазам равишда ювиб, тозаланиб турилса ҳам унинг устида микроб ва бактериялар пайдо бўлаверади. Вақт ўтиши билан эскирган тароқлар сочда турли муаммоларни келтириб чиқаради.
Макияж чўткалари ва спонжлар — 5 йил ва 6 ой
Улар фақатгина ювилибгина қолмай, беш йил ичида янгиларига алмаштирилиши ҳам керак. Агар терида тошмалар пайдо бўлса ҳам, дарҳол макияж воситаларини ўзгартириш лозим. Чунки 30 фоиз ҳолларда ювилмаган қўллар ва чўткалар туфайли терида яллиғланишлар келиб чиқади.
Уй шиппаклари — 6 ой
Уй шиппакларининг умри олти ойдан ошмайди. Шундан сўнг ўзида бактерия ва замбуруғлар йиғадиган муҳитга айланади.
Ёстиқлар — 2—3 йил
Ичидаги материалига қарамай, ёстиқлар 2—3 йилдан кейин шаклини йўқотади. Бундан ташқари, унда чанг ва бактериялар кўпаяди. Бу эса ухлашга таъсир ўтказади.
Адёл — 7 йил
Адёл ҳам ёстиқ билан ўхшаш, аммо унинг умри 7—10 йилни ташкил этади.
Матраслар — 7—8 йил
Адёл билан биргаликда янги матрас ҳам харид қилиш мумкин. Чунки унинг ҳам амал қилиш муддати бир хил.
Изоҳ (0)