Вақтини қадрлайдиган ва уни чексиз уй ишларига сарфлашни истамайдиганлар учун фойдали маслаҳатлар билан бўлишамиз.
Микротўлқинли печ
Кучли ёғ ва кирни тез ва самарали тозалаш учун микротўлқинли печга бир стакан сирка эритмаси ва лимон бўлагини солинг ва 5-10 дақиқа давомида қиздиринг. Кейин ички қисмини губка билан артиб олинг.
Пластик ўйинчоқлар
Пластик ўйинчоқлар тозалаш учун уларни идиш ювиш машинасига жойлаштиринг ва тўлиқ циклни ёқинг.
Уй ҳайвонлари юнглари
Мушук ва ити борлар гиламлардан юнг тўпларини олиб ташлаш қанчалик қийинлигини жуда яхши билишади. Гиламни юзинчи марта чангютгич билан тозалаш ўрнига, вақтни тежаш учун резина тозалагичдан фойдаланинг.
Тунги чироқлар
Матодан ясалган абажурни кийим тозалайдиган ёпишқоқ ролик билан осон тозалаш мумкин.
Душ насадкаси
Қаттиқ сув душ насадкасини беркитиб қўядиган ёқимсиз хлор қолдиқларини қолдиради. Уни янгидек қилиш учун қўшимчани сирка кислотаси аралашмасига бир кечага қолдиринг ва эрталаб сувда яхшилаб ювиб ташланг.
Болалар ижодиёти
Гулқоғозга ёпиштирилган стикерларни йиртиб ёки қирқиб олманг - қоплама бузилиши мумкин. Соч қуритгичдан фойдаланинг, елим эригач, асталик билан ажратиб олинг.
Зангламайдиган пўлатдаги доғ
Нордон шароб-калий тузи зангламайдиган пўлатдан ясалган буюмларни тозалашда жуда самарали. Губкага оз миқдорда кукун сепинг ва идиш сиртини артиб олинг.
Чарм диван
Чармдан ясалган мебеллар учун махсус кремлар анча қиммат ва секин сўрилади. Мебель юзасидаги чангни тезда кетказиш ва материалга майинлик бериш учун оддий ароқдан фойдаланинг.
Изоҳ (0)