Ушбу рўйхат йил давомида қанча даромад олганликни аниқлашга ёрдам беради. Агар рўйхатдаги бир нечта элементлар ҳозирги ҳолатингизга тўғри келса, дам олиш ҳақида ўйлаш вақти келди.
Паспортдаги расмга ўхшашлик
Бу, албатта, ҳазил, лекин унда ҳақиқат бор. Одамлар камдан-кам ҳолатда паспорт учун расмга яхши тушади ва агар ўша расмга тобора ўхшашлик ортиб борса, албатта, дам олишни ортга сурмаслик керак.
Ухлашда қийинчилик
Уйқусизликдан азият чекадиганлар талайгина. Бу стресс ва чарчоқнинг биринчи белгиларидан биридир. Ишдан бироз чекиниб, ёқимли ҳордиқ чиқаришнинг айни вақти.
Шахсий ҳаёт ишдан азият чекади
Кўпчилик иш билан бўлиб, оилавий йиғилишлар, концертлар ва дўстларингиз билан учрашишни унутиб қўяди. Ишнинг бир қисмини қисқартириб, яқинлар билан муносабатларни тиклаш вақти келди. Ва бунинг учун дам олиш жуда мос келади.
Хатоларнинг ортиб бориши
Агар сиз вақти-вақти билан иш жараёнида хато ва качиликлар кўпайса, шунингдек, раҳбарлардан шикоятлар эшитиш бошланса, мия фаолиятига дам бериш керак. Бунинг учун бир неча ҳафтага таътил олиш ва иш ҳақида деярли ҳеч нарса ўйламаслик керак.
Атрофдагиларнинг ҳазили ёқмай қолиши
Ҳамкасбларингизнинг «зарарсиз» ҳазиллари сизни безовта қила бошлади, лекин сиз одатдаги офис ҳазилларини шахсий ҳақорат деб биласизми? Жамоа билан муносабатлар ниҳоят ёмонлашгунча, сиз дам олишингиз керак.
Бутун ҳаётни иш билан боғлаш
Агар барча режалар ва оилавий ҳаёт иш жадвалига мослашган бўлса, буни тўхтатиш зарур. Чунки яшаш учун ишлаш керак, аксинча эмас.
Стресс туфайли ичкиликка берилиш
Бир ҳафталик ишдан сўнг, дам олишнинг ёмон жойи йўқ. Аммо спиртли ичимликларни истеъмол қилиш орқали дам олиш одат тусига кирса, эҳтиёт бўлиш вақти келди.
Иштиёқнинг камайиб бориши
Ҳар доим иш билан ёниб, ўнлаб турли ғояларни ўртага ташлайдиган ходим дам олиш кунигача аранг ишлашга ҳаракат қиляптими? Бунинг ортидан иштиёқ камайиб боради ва бу иш самарадорлигига ҳам таъсир ўтказади. Вақтида дам олмасликнинг натижасида шундай вазият юзага келиши табиий.
Дам олиш куни кўнгилдагидек ўтмайди
Ҳафта давомида дам олиш кунлари оилавий балиқ овлашга боришни, ниҳоят спорт билан шуғулланишни ёки болалар билан пирог пиширишни тасаввур қилиш мумкин. Охир-оқибат, икки кун давомида режаларни амалга ошириш учун куч қолмаганига амин бўлиш мумкин. Шунинг учун ҳам зудлик билан таътилга чиқиш керак.
Фақат иш ҳақида ўйлаш
Уйда иш ҳақида гапирилмаса-да, у тинимсиз бу ҳақида ўйлаши мумкин. Шунинг учун таътилни иложи борича бошқа шаҳарларда ўтказиш тавсия этилади. Аниқса, қўл телефонини ўчириб қўйиш ёддан чиқармаслик керак.
Изоҳ (0)