Пиёз ҳақли равишда энг яхши сабзавот. Шунингдек, рўзғорнинг ажойиб ёрдамчиси ҳамдир. Ундан ошхонада унумли фойдаланиш бўйича қуйидаги лайфхаклар билан танишинг.
Грилни тозалаш мумкин
Гриль панжарасидан куйган овқат қолдиқларини олиб ташлаш учун яримта пиёз кифоя. Айниқса, металл иссиқлигида буни амалга ошириш яхшироқ. Санчқи ёрдамида пиёз билан панжара боғламлари артилади. Пиёз суви нафақат металлни тозалайди ва зарарсизлантиради, балки кейинчалик тайёрланадиган таомларнинг таъмини ҳам яхшилайди.
Бўёқ ҳидидан халос қилади
Бу бир оз ғалати туйилиши мумкин, лекин пиёз ҳидни йўқ қилишга ёрдам беради. Пиёз чоракларга бўлинади, чуқур идишга солинади ва бир кечага деворлари янги бўялган хонада қолдирилади. Сўнгра эрталаб хона шамоллатилади ва пиёз ҳиди билан бирга бошқа ёқимсиз ҳидлар ҳам кетади.
Пиёзни кўз ёшларисиз тўғраш мумкин
Пиёзни тўғраш ҳам ўзи бир қийинчилик. Сабзавотни кўз ёшисиз тўғраш учун бутун жараён давомида сақични чайнаш тавсия этилади. Бу, албатта, ёрдам беради.
Чивинлардан қутулишга ёрдам беради
Чивинлар пиёз ҳидига чидай олмайди. Сабзавотнинг бу хусусиятидан пиёда ёки очиқ ҳавода дам олиш пайтида фойдаланиш мумкин. Пиёзнинг ярмини қўл ва оёқ терисига суртилади, шунда чивинлар одамдан узоқлашади.
Авакадони яхши сақлайди
Тозаланган авакадонинг сифати тез бузилади ва қораяди. Бу мева таркибидаги ферментларнинг оксидланишига боғлиқ. Маҳсулотнинг умрини узайтириш учун тозаланган пиёзнинг ярмини авакадо билан бир идишга қўйилади. Сабзавот чиқарадиган олтингугуртли бирикмалар оксидланиш жараёнини секинлаштиришга ёрдам беради ва мева яхши сақланади.
Пиёз тўғрашнинг энг осон усули
Пиёзнинг қобиғи олиб ташланмасдан, тепаси кесилади. Илдиз қисми олинмасдан иккига бўлинади. Сўнгра тозалаб, тўғраш мумкин. Бу пиёз тўғрашнинг энг қулай усули. Илдиз сабзавотларнинг барча бўлакларининг парчаланишига йўл қўймасдан ушлаб туради.
Пичоқдан зангни тозалайди
Агар пичоқда занг пайдо бўлган бўлса, у билан тозаланмаган пиёз кесиб олинади. Пиёзни занг устига ишқалаш натижасида зангдан асар ҳам қолмайди.
Шишани музлаб қолишдан асрайди
Машинанинг олд ойнаси эрталаб муз билан қопланмаслиги учун кечқурун ярим пиёз билан ишқалаш тавсия этилади.
Пиёзни узоқ муддат сақлаш мумкин
Пиёзни тешиб қўйиб, қоғоз сумкага солиш керак. Бундай пакетда сабзавот бир неча ой сақланиши мумкин.
Металлга ёрқинликни қайтаради
Металл жилосини қайтарувчи восита пиёз суви ҳисобланади. Бунинг учун бир неча бўлак пиёз блендерда майдаланади ва сув билан суйилтирилади. Юмшоқ мато пиёз эритмаси билан намланиб, металл юзалар ишқаланади. Сўнг улар қуруқ ва тоза мато билан артилади.
Чумолилардан халос этади
Агар уй чумолилар билан тўлиб тошган бўлса, чақирилмаган меҳмонлардан қутулиш учун пиёз ёрдамга келади. Бунинг учун улар энг кўп тўпланган жойларга тўғралган пиёз солинган идишни жойлаштириш кифоя. Чумолилар пиёз ҳидидан қочади.
Изоҳ (0)