Микротўлқинли печ ёрдамида овқатни тез ва осонгина иситиш мумкин, лекин ҳамма маҳсулотни ҳам эмас. Айрим маҳсулотлар печда иситилганда фойдали хусусиятларини йўқотади
Микротўлқинли печ — ҳар куни овқат тайёрлашга вақти бўлмаганлар учун ошхонадаги энг севимли ёрдамчилардан бири. Микротўлқинли печ ҳақиқатан ҳам ошхонадаги ишларни анча осонлаштириши ва кераксиз қийинчиликлардан қутқариши мумкин, лекин унутмаслик керакки, маҳсулотлар иситилганда фойдали хусусиятларини йўқотади, ҳаттоки зарарли ҳам бўлиши мумкин. Шунинг учун айрим маҳсулотларни микротўлқинли печда иситиш тавсия этилмайди. Микротўлқинлар маҳсулот таркибидаги сув молекулаларига таъсир қилади ва совиганидан кейин ҳам бузилган молекуляр тузилиши тикланмайди.
Тухум
Тухум бекажонлар доимо ишлатадиган маҳсулотдир. Кўп одамлар нонуштани қайнатилган ёки қовурилган тухумсиз тасаввур қила олмайди. Рецептлар ва пишириш усулларининг кўплигига қарамай, шуни эсда тутиш керакки, бу масалада микротўлқинли печдан фойдаланмаслик керак. Ҳароратнинг кескин кўтарилиши туфайли тухум ичида буғ пайдо бўлади, босим кўтарилади, шунинг учун тухум пўстлоғини тозалаш вақтида отилиб кетиш эҳтимоли жуда юқори.
Аччиқ қалампир
Аччиқ қалампир ҳам худди тухум каби микротўлқинли печда қиздирилганда ёрилиб кетиши ва энг ёмони эса ёниб кетиши мумкин. Мева таркибида капсаицин мавжуд. Қалампир микротўлқинли печда пиширилса, капсаицин аэрозолга айланади, натижада микротўлқинли печни очиш билан юз ва қўлларингизни куйдирадиган қалампир сепилади.
Музлатилган гўшт
Микротўлқинли печ кечки овқат тайёрлашда энг яхши ёрдамчи деб ҳисобланса-да, аслида ундай эмас. Микротўлқинли печда маҳсулотни муздан тушириш пайтида озиқ-овқат таркибидаги бактериялар сони кўпаяди, бу эса озиқ-овқат инфекциялари пайдо бўлишига олиб келади. Гўшт зарарли бўлиб қолишидан ташқари, тўлиқ эримайди: юқори қатлам эриган бўлса ҳам, ичи музлаб қолади. Баъзида микротўлқинли печда эриган гўштнинг қирралари кул рангга айланади. Шунинг учун энг тўғри йўл музлаган гўштни табиий йўл билан эритиш тавсия этилади.
Сут маҳсулотлари
Сут ёки қатиқни тезда иситиш учун маҳсулотни музлаткичдан олдиндан чиқариб, бироз кутиш яхшироқ. Микротўлқинли печда эса тирик лактобактериялар ва бифидобактериялар тезда йўқ бўлиб кетади ва маҳсулотларда фойдали хусусиятлар деярли қолмайди. Бундан ташқари, сутнинг мазаси нордон бўлиб қолиш эҳтимоли мавжуд.
Она сути ёки чақалоқ бўтқаси
Она сути ва бўтқа маҳсулотларини микротўлқинли печда иситиш тавсия этилмайди. Иссиқлик нурланиши нотекис тақсимланган, шунинг учун сут қисмларга бўлинади ва энг қизиганлари болани осонликча куйдириши мумкин. Бундан ташқари, тадқиқотлар шуни кўрсатдики, микротўлқинли печда иситилгандан сўнг она сутида иммуностимуляция қилувчи оқсиллар йўқолади ва фойдали хусусиятларини минималлаштирилади. Кўкрак сутини ёки бўтқани иссиқ сувли идишда ёки қиздириш энг тўғри усуллардан биридир.
Колбаса ва сосиска маҳсулотлари
Кўриниб турибдики, қайнатиш ёки қовуриш ўрнига, микротўлқинли печда колбаса ёки сосискаларни иситишдан кўра осонроқ ва тезроқ нарса йўқ. Бундай ҳолда юрак хасталигининг ривожланиш хавфи юқори, чунки қиздирилганда қайта ишланган маҳсулотлар оксидланишни ҳосил қилади.
Картошка
Картошкада кўп миқдорда крахмал бор, улар микротўлқинлар таъсири остида сув билан ўзаро таъсирланади. Реакция натижасида маҳсулотнинг озуқавий қиймати минимал даражага тушади ва истеъмол қилинганда ошқозон ости бези юкини оширади ва организмга зарар етказади.
Донли ёрма
Донли ёрмаларни иситиш танадаги соғлом ҳужайраларни йўқ қилиши мумкин. Микротўлқинлар таъсирида донлардан эркин радикаллар ажралиб чиқади. Вужудга кирганда улар тузилишини қайта тиклашга ва ошқозон-ичак трактининг шиллиқ қаватидан фойдали компонентлар олишга ҳаракат қилади.
Музлатилган мевалар
Меваларни музлатиш одатий ва тўғри амалиётдир, айниқса уларнинг фойдали хусусиятлари сақланиб қолади. Асосийси, муздан эритиш учун микротўлқинли печдан фойдаланмасликка ҳаракат қилиш лозим. Резавор мевалар таркибий қисмларнинг аксариятида, айниқса, C витамини йўқолади. Мевалар микротўлқинли печда ёрилиб кетиши мумкин: бутун қобиқ ва ичидаги кўп миқдордаги намлик бу жараённи қўзғатади.
Қўзиқоринлар
Микротўлқинли печ қўзиқоринларда оқсил миқдори юқори бўлганлиги учун хавфли бўлиши мумкин. Иситилгандан сўнг оқсилнинг тузилиши ўзгаради, шунинг учун қўзиқоринларни қайта иситмаслик керак. Ва бундай қўзиқоринларни тез-тез истеъмол қилиш ошқозоннинг тўғри ишлашининг бузилишига олиб келиши мумкин.
Асал
Вақт ўтиши билан асал қуюқлашади ва кристалланади. Бу табиий жараён маҳсулот сифатининг юқори эканлигини исботлайди. Иссиқлик билан дастлабки мустаҳкамликни қайтаришга уринмаслик керак, маҳсулотнинг барча фойдали хусусиятлари йўқолади.
Кўкатлар
Микротўлқинли печда қиздирилган кўкатлар таъми ва фойдали хусусиятларини йўқотади. Ўсимликлар таркибида нитратлар бор, улар ҳарорат кўтарилганда хавфли органик токсик бирикмага айланади, уларни истеъмол қилиш заҳарланиш ва ҳазм жараёнининг бузилишига олиб келиши мумкин.
Изоҳ (0)