Сурхондарё вилояти Денов туманида жойлашган бозорларнинг бирида сотувчига нисбатан куч ишлатган фуқарога жиноят иши қўзғатилди, деб хабар беради вилояти ИИБ ахборот хизмати.
Маълум қилинишича, 28 июль куни соат 11:00 да туманнинг «Лолазор» маҳалласида жойлашган «Халқобод» буюм бозори ҳудудида Х.Сафарали исмли фуқаро жамоат жойларида юриш-туриш қоидаларига амал қилмай, жанжал кўтарган. У бозорда савдо қилаётган С.Гулчеҳра билан юзага келган ўзаро тортишув оқибатида уни урган. Уларни ажратиш учун келган сотувчининг акаси — С.Баҳодирни ҳам юзига ва дуч келган жойларига уриб, енгил тан жароҳати етказган.
Оқибатда 11 август куни Х.Сафаралига нисбатан Жиноят кодексининг 277-моддаси (безорилик) 3-қисми «г» банди билан жиноят иши қўзғатилган.
Аввалроқ Тошкентда имконияти чекланган қизни калтаклаган 27 ёшли йигит терговдан яширингани учун қидирувга берилгани, Самарқандда бир гуруҳ шахсларни сабабсиз уриб, ИИБ ходимларига қаршилик кўрсатган 8 киши қамоққа олингани, Қашқадарёда икки маст фуқаро уч киши билан жанжаллашиб, уларни жароҳатлагани тўғрисида хабар берилганди.
Изоҳ (0)