Mazali pishloq, qovurilgan piyoz va sabzi bilan to‘ldirilgan ishtahani ochuvchi mazkur guruchli taom barchaga xush yoqadi.
Kerakli mahsulotlar:
- guruch — 50-60 gr;
- sabzi — 1 dona;
- piyoz — 1 dona;
- o‘simlik yog‘i — 2 osh qoshiq;
- smetana — 1 osh qoshiq;
- pomidor — 5 ta;
- pishloq — 100 gr;
- tuz;
- murch.
- Guruchni qaynatib oling.
- Sabzini katta tishli qirg‘ichdan o‘tkazing. Piyozni maydalang.
- 7-10 daqiqa davomida piyoz va sabzini qovuring, tuz va murch soling. Smetana qo‘shib, bir daqiqadan so‘ng olovdan oling. Guruchga qo‘shib aralashtiring.
- Pomidorning yuqori qismini kesib, qoshiq bilan ichini tozalab oling.
- Pomidor ichiga qirg‘ichdan o‘tkazilgan pishloqni, keyin sabzavotli guruchni soling. Qolgan pishloqni ustiga seping.
- Pomidorlarni 15-20 daqiqa davomida 200 darajali pechda pishirib oling.
Izoh (0)