Ўзбекистонда ўтган етти ой ичида энг кўп Cobalt автомобили ишлаб чиқарилди
Ўзбекистон автомобиль ишлаб чиқариш саноатида 2021 йилнинг январь—июль ойларида 36 317 дона Cobalt ишлаб чиқарилган. Бу ҳақда Давлат статистика қўмитаси хабар берди.
Фото: «Дарё» / Мадина Нурман
2021 йилнинг январь июль ойларида ишлаб чиқарилган автомобиллар:
Cobalt — 36 317 дона;
Damas — 33 862 дона;
Lacetti-Gentra — 26 266 дона;
Nexia Т-250 — 14 442 дона;
Лабо — 7 542 дона;
Spark — 6 485 дона.
Шунингдек, қўмита маълумотларига кўра, автомобиль ишлаб чиқариш саноатида 2021 йилнинг июль ойида 5 090 дона Damas ишлаб чиқарилган.
2021 йилнинг июль ойида ишлаб чиқарилган автомобиллар:
Damas — 5 090 дона;
Cobalt — 4 529 дона;
Lacetti-Gentra — 4 304 дона;
Лабо — 1 312 дона;
Nexia Т-250 — 499 дона;
Spark — 400 дона.
Аввалроқ Cobalt Қозоғистонда энг кўп сотилган автомобилга айлангани, Ўзбекистонда эса уни харид қилиш учун қарийб 10 минг кишилик навбат мавжудлиги тўғрисида хабар берилганди. Шунингдек, июнда UzAuto Motors камроқ автомобиль сотиб, кўпроқ фойда олаётгани маълум бўлганди. Сўнгги йилларда экспорт қилинаётган автомобилларнинг ўртача нархлари икки баробарга — 4845 доллардан 9201 долларга ошган.
Изоҳ (0)