Ўзбекистон ташқи ишлар вазири Абдулазиз Комилов 23 август, душанба куни Саудия Арабистони Подшоҳлиги ташқи ишлар давлат вазири Одил ал-Жубайр билан видеоконференцалоқа шаклида учрашув ўтказди.
Суҳбат чоғида Ўзбекистон ва Саудия Арабистони ўртасидаги ўзаро манфаатли соҳалардаги ҳамкорликнинг ҳозирги ҳолати ва истиқболлари муҳокама қилинди.
Минтақадаги вазият, жумладан, Афғонистондаги воқеалар ривожи, шунингдек, томонларнинг халқаро ташкилотлар доирасидаги ўзаро муносабатлари масалалари юзасидан фикр алмашилди.
Турли даражадаги бўлажак қўшма тадбирларнинг тақвими ва ташкилий жиҳатлари кўриб чиқилди.
Бунда аввал Абдулазиз Комилов АҚШ Давлат котиби ўринбосари Уэнди Шерман билан Афғонистондаги воқеалар юзасидан суҳбатлашгани ҳамда Шавкат Мирзиёев ва Эмомали Раҳмон Афғонистондаги вазиятни муҳокама қилгани ҳақида хабар берилганди.
Изоҳ (0)